智取大市 - 晉佳 2019年2月13日
智取大市：落後股接力炒上 - 晉佳
中央好大機會連續推出刺激A股嘅措施，券商股中線不會輸蝕。資料圖片 適中字型 較大字型
連續12個交易日有半數或以上股份上升，短線炒風相當熾熱。二三線港股一般由低位彈三成至六成不等，後市再升就要期望資金流將整體估值拉高嘅效應，同基本因素已無關。港股市寬雖好，但1個月累積升三幾成嘅股份，點都有調整壓力。一般周期性股份，短線再上空間就未必太多，至少今日回得多嘅熱炒股，為數唔少，呢點值得留意。
落後股蠢蠢欲動，比亞迪系近期反彈力度相當有限，其中，受中美糾紛打擊唔細嘅比亞迪電子（285），有四成收入來自組裝業務，其實喺貿易戰之中抗逆能力一般，好處係未炒過，而有資金跟進中。股價9蚊樓上打曬底，此輪港股大反彈幾乎冇受惠，論走勢似要短線追落後。
若論中線持有，後市仲有空間嘅板塊，包括內需股、新能源股、5G股想像空間較大，都係輪流等調整後才再發力。上期講到嘅券商股，中線亦不會輸蝕，原因係利好消息肯定未出盡，中央好大機會連續出台刺激A股嘅措施，業務亦不接近中美糾紛嘅風眼位置。大路選擇係中信証券（6030）同華泰証券（6886），中國銀河（6881）就係落後之選。睇返前兩股市賬率略高過1倍，後者僅0.6倍，估值實在不高。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com