中環在線 - 李華華 2019年8月21日
【中環在線】新昌逼近除牌死線 純官入錯貨？ - 李華華
唔知純官當初做新昌「白武士」初心究竟係咩呢。 適中字型 較大字型
已停牌超過兩年嘅本地老牌建築商新昌集團（404），上個月底趕喺「死線」前向聯交所提交復牌方案，包括獲新世界（017）鄭家純私人持有嘅周大福家族公司斥超過兩億元入股。諗住有大孖沙照住，復牌有望，不過港交所（388）似乎唔賣純官帳。
新昌噚日話，本月9日收到聯交所嘅函件，表示由於公司未能喺指定時間達成全部復牌條件並令聯交所信納而恢復股份買賣，所以決定取消公司上市資格，最後上市日為本周五（23日），下周一正式除牌。新昌話噚日已向上市覆核委員會秘書提交書面申請，以覆核取消上市決定。但得返幾日，而且按過往經驗，能上訴成功嘅個案少之有少，新昌被除牌嘅機會睇怕好大。
雖然唔知純官當初做新昌「白武士」嘅初心係咩，但若果係諗住可以平價執個殼，純官今次怕且一殼眼淚。
不過咁，鄭氏家族旗下都有唔少工程公司，例如新創建（659）旗下嘅協興建築及新世界持有嘅協盛等，話唔埋就算新昌冇咗上市地位，純官都想將新昌納入上市公司旗下呢。究竟純官點諗，華華就拭目以待啦！
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com