智取大市 - 晉佳 2019年11月25日
【智取大市】回報低處未算低 - 晉佳
滙控股息近7厘，係因為市場估計匯控盈利派息下跌，因而不受投資者歡迎。 資料圖片 適中字型 較大字型
對於Long fund嚟講，早已進入一個困難時期，因為面對緊一個高市盈率、低回報時代，連股神畢菲特亦苦無投資對象。遊資氾濫之下，加上投資者為負利率作出一定防備，環球股市普遍向上，增長股、好股唔少賣到40、50倍PE，PEG遠高於1倍仍長升長有。而放眼美國市場，麥當勞、P&G都只得大約2.5厘股息率，大家視之為正常情況。連周小川講明話要避免快速進入負利率時代，假如泡沫加劇，Long fund遲早要硬食股價大跌令回報率回復正常化，因為以目前環球經濟增長速度，要企業盈利增長而令股票回報提升，可能性實在不大。
不過，講話回報率遲早要正常化，唔代表即刻發生，尤其明年美國大選當前。正話講緊麥當勞之類嘅股份，股息率2.5厘唔代表就係盡頭，隨時可以再低。如果當初冇港府硬推送中條例，就冇反送中，領展（823）呢類原本屬於優質增長型高息股，可能已升至100蚊以上，股息率或低過2.5厘，皆因本來領展嘅股息增長能力強，但現時股息增長可測性就下降了，之所以股息率仍有3.3厘。
市場同時極厭惡派息前景不明朗嘅股份，滙控（005）近7厘股息率，係因為市場估計滙控盈利派息下跌，喺香港抗爭活動前，業務本來已經係零增長甚至係處於萎縮趨勢，難怪如此不受投資者歡迎。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com