【廣告經綸】為將來製造美好回憶 - 文廸晞
論廣告，有好多集體回憶，鐵達時的「不在乎天長地久，只在乎曾經擁有」是經典之一。
無錯，海洋公園是香港人的集體回憶，所以要問政府攞54億去保住。疫情期間，香港人痛失了不知多少集體回憶、童年回憶、上一代回憶、拍拖回憶、學生時代回憶等等。準確嚟講
，要保住嘅，唔係真係一個回憶，而係一些令人擁有共同回憶的東西的未來。
論廣告，當然都有好多集體回憶。例如維他奶的「點只汽水咁簡單」、家計會的「兩個就夠曬數」、「呢個係萬寶路嘅世界」、麥記的「秒秒鐘歡聚歡笑」、眼鏡88的「看出一點真，看出可觀人生」、嘉士伯的「可能係世界上最好嘅啤酒」、DeBeers的「鑽石恒久遠，一顆永留存」、鐵達時的「不在乎天長地久，只在乎曾經擁有」、「去玩去癲，嚟Ocean Park」……。以前入行做廣告，有型、好玩、食腦、大把生意、又charm又glam，黃金歲月，可一不可再。最近，聽聞有很多小型廣告公司都先後倒閉，就連知名國際廣告公司BBDO亦即將於7月停運香港office。
今時今日，社會動盪、疫情未止、經濟低迷，希望大家不要再活在回憶之中，想要有美好回憶，就一定要努力的做好今天和明天。以海洋公園為鑑，冰封三尺，非一日之寒，不積極轉營找出路，今次籌到錢避過一劫，之後又點算？其實，廣告行與其他行業亦一樣，係時候重整陣勢，好好想想未來點打算。
這個專欄，不經不覺一寫就5年，經歷了不少起起伏伏、百味甜酸，都係時候take a break。日後要更加專注工作，務求贏多啲pitch，爭取更多生意，創作更多好廣告，一齊為明天製造美好回憶而努力向前！多謝大家一直支持，多謝在這裏留給我的一切回憶，有緣再見，保重。
文迪晞
mailto:heyadmen@gmail.com
廣告經綸 - 文廸晞 舊文
來源 source: http://s.nextmedia.com