【異動空間】半年結前做三件事 - 魏力
印錢無絕期，過剩的銀紙會推升物價，錢唔值錢，因此投資組合要有一些黃金。 資料圖片
美國確診人數高處未算高，經濟V形反彈希望幻滅，即使不再封城鎖國，但難阻企業自行停業。華府狂派錢撐消費，如意算盤是頂到6月經濟重啟，短暫消失的職位會重現，一切會逐步回
復正常。如今疫情變長期抗戰，無了期向民眾派錢，還要印錢買國債、企業債，資產負債表究竟會膨脹至甚麼水平？難以想像。但可肯定的是，為了大選點都要頂硬上，外交上強打中國牌，轉移美國民眾視線，幾可肯定是第三季華府方針。
投資角度而言，現階段有三件事可以做：
一、減持股票。第二季由頭升到尾，不少美國軟件股升幅超過1倍，本港科技股亦炒到飛天。去到季尾，基金食糊埋數理所當然，政經不明朗因素充斥，切忌戀戰。
二、買點黃金。金價受三件事左右：避險情緒、通脹預期、美金。股票太離地，印錢無絕期，即使目前經濟惡劣無通脹，但兩三年後？過剩的銀紙自然推升物價，錢唔值錢。買實金又好，ETF也好，應該在投資組合佔一席位。
三、多做功課。獲利套現過後，為免忍唔住手又衝入場，最好將利潤由股票戶口提走，儲起作日後撈貨之用。疫情將令不少行業消失/難以翻身，但也有些行業會時來運到，引爆十年大浪，網上辦公、網絡安全、5G應用這三大主題，不妨多做功課發掘優質股（主要在美股），再趁低吸納。
魏力
http://fb.com/2012jason
本欄逢周一、五刊出
異動空間 - 魏力 舊文
來源 source: http://s.nextmedia.com