士佳說 - 張士佳 2020年7月6日
【#士佳說 】張士佳：好似很好！？
【#士佳說 】張士佳：好似很好！？
大市收高於25255，偏向睇好，但現在市經常被event driven 睇好，但唔會一注獨贏，我傾向分幾日破頂逐步加，即今日陽燭升高於25417，會加一注。
日後再升，再加一注，分三注買入，減低中伏機會。愛穩健的投資者更可在價位突破後，待美方出些制裁措施方才行動，估計今周內會見有關措施。
市太受News影響，我都繼續係摸住石頭過河，個股就可以稍為放膽些。
汽車股週五優於大市，花旗報告料內地汽車銷售第三季回升，其中以電動車相關的表現更為理想，吉利汽車#175最近傳收購電動車公司拜騰，富豪汽車(Volvo)又跟Alphabet旗下自動駕駛業務Waymo合作，對電動車市場來勢洶洶，會看高一線。我睇好了比亞迪#1211，周五有加注，Tesla上到$1200，連N10都升一倍以上，#1211也算有跟，歷史高位$8x，呢隻股每次癲都有7成幾升幅，即＄73應該大機會到。
小米#1810我也有買，雖對其唔係特別鍾情，但正等如國美#493，中芯#981，我以往都唔喜歡，但都試過最重注持股，難聽d講係無立場，好聽d就叫靈活，點講我無所謂，我剩係睇四變。
#1810周六有些股權消息，唔係好料，最多無影響，但我唔理，交投資者判定，我覺得7月中前，加入藍籌都係較注目新聞，內房同樣給力。
多家內房銷售理想，6月份首100強內房企業銷售金額按月增長33%，按年計亦錄得增長13.8%。其中以恒大(3333)為例，今年轉至網上賣樓，上半年銷售3488億創歷史新高，同比增長約23.8%，都是房市復甦的跡象。3333我錯過了，但一直有持合景泰富，升幅也相當不錯，回落可吼。其他個股大部份靚都爆燈。醫療微創#853，愛康#1789，春立#1858加完颷番上來繼續坐。
MTEX似大市的定海神針，市跌佢唔跌，市升佢終會升多些，前者雖有聯合創始人、高級副總裁王慧文的減持約及提前退休的猜測，但經澄清後股價反覆向上﹔後者市值突破5萬億元。
眾安#6060發曬狂，無撼，唯一都係買得唔夠多，隨淵羡魚，不如睇睇＃1833平安好醫生再破124.8的頂，追唔追，我是positive的。
最後，近日熱炒的中芯A股公布發行價為27.46人幣，較港股價格折讓9.4%，跟此前參考合理估值價格介乎38.29至44.43元人民幣，有一段距離，相信對今日股價有沽壓，我上週，雖然有減持，但手上仍持有。如今日一開已經低開很多，那就等跌勢持續才減了。
寫得好似睇得很好很好，方向上是的，但注碼上不是，從低位上升不會如此太平，所以注碼要控制得宜，我今天會邊升邊減個股至70％持貨水平，待回落至「危前有機」才補回。
士佳說 - 張士佳 舊文
來源 source: http://skycheung.weebly.com