士佳說 - 張士佳 2022年4月8日
【#士佳說 】張士佳：股比市好做
【#士佳說 】張士佳：股比市好做
大市續下挫，港股特弱，呢轉係由布查事件開始，似為下轉制裁作準備，尋日講左睇好但無位放止蝕，不如集中火力幾個強勢板塊，要等AT發力才可扭轉跌勢。
呢轉大市由底反彈，我主要捉內房建築化肥醫藥同一些消費股來博彈，呢D個股比大市為強，但始終市弱，所以尋日話已太囑目就要食D，昨天內房又真係回一回，咁走位資金放那呢？朝早我話高持內房，不如轉去基建類，點知收市後就迎來消息，話中央正準備14.8億基礎建設計劃，全國基建項目似乎已加快上馬，借消息希望基建爲組合再扳一城。
走位前，除了㷛重內房前文提到要買的都是趨勢已成的化肥，建築，醫療，海航空運，煤、油（美股）濠賭及燃油氣，大家可以見到最終大部份都跑贏大市一大截，煤我會特別小心處理，當中除了#1088較好，其餘煤股我都會先走位獲利，為何煤在俄烏戰爭后特別好，一切盡在不言中，但制裁一講就有一浸回，現在我會著眼些二線內銀，救得內房，內銀受惠，基數效應，太大間的受惠冇咁覺。咁內房走位嗻，先跌左一日，隻綠城唔只升左六成，隻越秀先前又demo比大家睇乜野叫直線上升，現調整定玩完，我唔會估，回一回再升更健康，如逆市陽破頂咪又係要追。
AT唔爭氣，M美團本來最好，但傳出紅杉沈南鵬套現，即做枝長上影，早前紅杉被傳財困，空穴來風，估計美團被套現陰霾，會有段日子，升得勁時，大家莫忘此點。
跟進下思捷環球#330，連續兩日創52周新高，尋日升11%，佢四日已升2成幾，如見陰同內房做法一樣走位，陽破頂先再追。
又唔係隻隻都好似思捷咁順，1211買左就麻麻，殺得性起，自已都犯了痴250天線不買的大忌，但都真係比AT強，反彈走佢先。
戰爭中，明白大家唔敢下手，內房狂升都鄧家雞見水，我做法係揸住受惠股，像 鈾股CCJ，軍工股LMT RTX及無人機股AVAV來買，就唔太怕戰爭持續，係呀，全是美股，咁邊國係真正烏被襲受惠國先得袈？當然，如俄烏突然和淡，呢D會跌，但其他持股就爆升，呢D美股大勢已成，跌完都會升番，唔怕坐。
士佳說 - 張士佳 舊文
本文作轉載及備份之用 來源 source: http://skycheung.weebly.com