炒功(８)
2013/2/15 9:52:49
網誌分類: 經濟
美股好壞消息交雜，本土消息利好，但外圍歐洲及日本經濟唔掂利淡，拖累美股開市先下探，不過，美國最新一周首次申領失業金人數下跌幅度，好過預期，市場傳出多個重大併購交易，亦刺激了投資氣氛，杜指反覆靠穩，收市微跌9點至13973點，標普500指數微升1點，收1521點。
美國上周首次申請失業救濟人數減少2.7萬人，總數降至34.1萬，好過市場預期的降至36萬。在所有申請失業救濟者當中，有保險的失業申請比例亦由2.5%下降至2.4%，反映美國勞動力市場正在轉好，美國經濟緩慢好轉中。
美國本土經濟數據利好，但外圍環境唔就。歐洲統計局(Eurostat) 昨日發報告稱，歐元區第四季GDP較上季萎縮0.6%，與2011年同期比較則下滑0.9%。已經係連續三個季度萎縮，更係2009年以來最大降幅。
最令人憂慮的是歐元區經濟萎縮不再局限於希臘、西班牙等經濟不景氣的國家，衰氣已波及「領頭羊」德國。法國已經表示不太可能實現2013年將財政赤字佔國內生産總值比例降至3%以下的目標。歐盟委員會警告，歐盟公共債務已經佔到GDP的90%，必須把相應的比例降下來，不然的話會對經濟發展産生負面影響，但太力緊縮又會影響短期經濟增長，令GDP的基數更細，因此已考慮容許法國、西班牙等經濟狀況不好的成員國可以延遲推行緊縮政策。
歐元區歐經濟唔掂，避險資金又開始倒流入美元，美匯指數近幾周大漲，歐元則全面跳水，歐元兌美元唔夠一個月由1.37美元急跌至昨日的1.34美元。昨日，日本宣佈去年第四季GDP萎縮0.4%，低於市場預期，但日圓略走弱後又轉強，升到日圓已從低位94.46，升到而家92.76，差不多升番到本周一的高位。大家唔好唔記得，本週末G20開會，焦點針對日圓大貶值，會前歐元跌?，日圓升番，歐洲無咁大火氣，較易達成共識，開完會後日圓會唔會繼續貶值就唔知啦。
美、歐、日央行鬥印鈔票救市，手上的錢價值愈來愈縮，美國股市併購活動愈來愈多。怪唔得連「股神」巴菲特都要以高溢價購買全球最大番茄醬製造商亨氏(Heinz)啦。巴菲特旗下的巴郡宣布與巴西私募巨頭3G 資本(3G Capital)將聯手以232億美元現金收購亨氏，包括亨氏的債務在內，交易價值280億美元。亨氏周三收市價只係60.48美元，收購價係72.5美元，溢價接近20%。住枝茄汁，安全過住錢也。
早前寫緊「炒功」的時候，有些網友提到止賺的問題，我並未觸及，而家可以講?。先睇睇網友「勝不驕」的例子，佢話「上次待你評論我為『典型的敢輸唔敢贏，有機會詳談你的個案』(2013-01-23 11:29)，我當時寫的內容如下:『陸Sir,總結上年，是學習止蝕、是輸得慘烈的一年: 輸保利協鑫3800(2.5元買，2元沽)，買蘋果又輸(你寫了文章作為大家借鏡)，兩隻都未能妥當止蝕，還有很多止蝕(得不好)的例子，見到勢好的恒地(0012)
、新地(0016)，但驚巿況唔好，係平手($44，$94)沽出。有些股票選擇不止蝕(農行： $3.3買入，最低$2.8，保利協鑫$1.7，$1.3買入，最低$1.1)當時手持大部分現金。到去年12月，眼見巿好，開始all in(全部買入)。招行，人保，新華保險等，連同農行以及保利協鑫，現在有20至30%升幅。新華甚至越升越賣指數基金(2800、2823)即不多於10%升幅。回想今次all in 買股，自己持股太多(10隻左右,連埋那些一手股)現在開始研究如何止賺，以及賣掉一手股。所以經常問陸sir止賺。回想過去，其實買盈富基金(2800)，可能好穩定地賺錢。 勝不驕的個案，第一個問題是無適當地10%止蝕，特別是買下跌中的保利協鑫或美國的蘋果時，要考慮好如何止蝕，才好入市。
如今他面對第二個問題，是如何獲利的問題。這是一個很複雜的問題，我會將之分開「投資的我」和「投機的我」來處理。若是「投資的我」買股，買入相對大隻的股份，目標是?較長的年期，若是進入位較低，如去年在18000點、19000點入市，如今有20%以上的利潤，承受下跌的能力較好，本來也不一定要出出入入。不過，在美國量寛之後，股市的波動加大，即使是「投資的我」，若手持股票一股不鬱，見住大市升升跌跌，?一年都好易原地踏步，最叻都係收3幾厘息，所以鬱動?都無壞。我建議是趁高位減持三分一至三分二，沽多少隨風險喜好而異，通常是年初沽(即係而家)，年中買(5月打後)，有20%以上利潤可沽，等跌番10%以上買番(以大股計)。
沽貨的風險是遇上升過不停的大牛市，暫時睇而家的情況未係太似會咁，出現小牛市或橫行小小向上市機會大?齱C即使係大牛市，因為無沽清，仲有三分一貨在手，都可以享受到，而你沽到一股不留，就要忍受沽完再升之痛。你會分到有些股份係大股，升極有個譜，沽得急?鰽L壞，有?曭悒鱈Y中型股，如果買得平，有翻倍的可能，唔一定要咁快沽，即係可以坐?，記住投資可以?長?齱C
投機的我唔同，流轉要快，有糊要食。我覺得勝不驕似呢類多?襶span lang="EN-US">(鐘意炒下跌股)，投機唔可以俾自己輸，唔好捱價，更需要食糊。所以有20%利潤，老大沽一半，其餘一半以買入價止蝕，咁就一定唔輸，若以買入價高10%止賺，夾埋一定有賺。記住炒作之關鍵係令自己年年有正回報，唔好一舖輸清，所以如何止蝕或止賺，是控制食糊倉位唔好變食蕉倉位之關鍵。我有個朋友係炒匯高手，佢話俾我聽佢後生時一個經驗，佢以100萬開倉(5%按金，即係炒緊2000萬)，有一排炒得好順，100萬好快幾個月變?籜span lang="EN-US">200萬，就心雄啦，倉位愈開愈大，以為自己係炒神啦，唔設止蝕止賺，點知一個浪打過來，幾日之間，200萬輸到變?籜span lang="EN-US">10幾萬，個倉著哂紅燈要追按金，佢捱到個市反彈打哂靶，只有20萬，佢話若設止賺，個倉剩150萬時可以走哂，起碼到本金位100萬都應該走，佢無走，就變到得「幾條毛」。
呢個朋友都叻啦，就由20萬炒番起，用兩年時間炒番上100萬，叫做翻本，玩?籜span lang="EN-US">3年要重頭來過，不過學到一樣?潔A佢以後落盤已定好全部止蝕及部份止賺位(通常先食一半)，咁就輸極有個譜，兼且一開始要諗好退場部署，順勢可以賭耐?齱A逆勢即刻閃，佢之後就不斷保持炒匯有正回報。
(明天再講不同類別股票止賺法)
陸羽仁
回應(3) 我想回應
陸羽仁 BLOG 舊文