陸羽仁 BLOG 2013年2月7日
歐洲反攻
2013/2/7 上午 09:25:51
網誌分類: 經濟
靜一陣子的歐債危機又有發作跡象。西班牙首相涉嫌貪汙；意大利大選臨近，前「鹹濕」總理貝盧斯科尼民望上升，市場憂慮影響當地推行的緊縮政策，西班牙10年期國債孳息率又再回升，最近曾升至近5厘半的一個多月高位。意大利國債孳息率，亦於去年12月以來，首次升至近4厘半水平。
歐股升了近半年，已見較大回調，跌番去近一個月低位。德國及法國股市前日彈少少，昨日再跌超過1%。歐洲政局不穩，亦美拖住美股後腿。美國多家非消費品類企業財報理想，都好過預期，但大市亦升唔上去。杜指及標普500指數昨日反覆靠穩，平手離場。原因係歐元區領袖今日開會，投資者見形勢唔明朗，唔敢落注。
西班牙首相拉霍伊被爆收受賄款，雖然否認，又獲得德國總理默克爾力撐，但市場憂慮，一旦佢被反對派拉落台，將影響當地落實緊縮政策，引爆債務危機。另一歐豬國家意大利月底大選，前總理貝盧斯科尼大打「民粹」牌，承諾勝選後廢除徵收房産稅，並退還先前徵收的房産稅。雖然民調顯示有51%的意大利人不相信貝盧斯科尼的退稅承諾，但他的民望卻直追對手，支持率離大熱門只有唔夠四個百份點。市場憂慮他重新執政機會增加，影響當地幾經辛苦才推行到的財政改革。意大利現總理蒙蒂在2011年接手政府，帶領意大利渡過危機，其中的主打就係靠恢復徵收房産稅，縮減財赤，回復市場信心。
對於歐債危機是否再爆，「債券大王」格羅斯卻非常樂觀，認為歐洲央行會捍衛歐元，又認為意大利債券較美國國庫債券吸引。
格羅斯指西班牙政府政策及領導層，能否延續存在變數，的確會增加西班牙債券風險。但相信在歐洲央行的支持下，風險仍然可控，佢繼續唱好意大利國債，認為回報好過美國的五年期國債。格羅斯亦唔係得個講字，自去年歐洲央行行長德拉吉承諾拯救歐元後，格羅斯旗下的「總回報交易所買賣基金」，多次買入西班牙及意大利等銀行的票據，令企業債佔的比重增加8個百分點。
我對歐洲又好似唔係幾穩定，有個陰謀分析，就係歐元區領導亦唔想太穩定，令歐元升得太高，影響歐洲經濟復甦。你睇今年至今歐元人民幣升了2.3%，兌美元升了2.5%，兌英鎊升了6.5%，兌日圓升了10.5%! 歐元兌所有主要貨幣都升，令歐洲出口商競爭力削弱，歐元區領導仲唔做?牁d弱?虃琱腹A經濟真係無運行。所以歐洲見到一些負面消息全面去撲火係一個態度，由得佢等消息整低歐元係另一個態度。央行今日開會，預料都會出?口術唱淡歐元。
若然歐洲真係有心搞低歐元，對股市亦唔多有利，弄不好會任由壞消息擴散一段，由得佢影響投資者信心。
陸羽仁
回應(2) 我想回應
陸羽仁 BLOG 舊文