陸羽仁 BLOG 2013年2月8日
睇好日股
2013/2/8 上午 09:43:54
網誌分類: 經濟
貨幣大戰持續，日圓有跌無升，本周新聞係反對寬鬆的央行行長白川方明可能加快離任，日本有望提早寬鬆，日圓再插。澳洲央行在12月議息會議後，將利率從3.25厘降至3厘，本星期二的會議卻決定維持利率不變，由於環球經濟回復，相信此輪的減息周期已經結束，期間澳洲０息率由4.25厘減至3厘。妙就妙在澳洲唔再減息，但澳元仍然搶住回，有理由相信各國都發功唱到貨幣回落。
反應最慢的歐洲終於有少少動作。歐元區領袖昨日開會，歐洲央行決定維持利率0.75厘不變，行長德拉吉表示，預計未來幾個月歐洲通脹持平，有利歐元區在貨幣政策上作出「適應性措施」，暗示可以放水，此語一出歐元即跌。他又睇淡歐元區上半年經濟，話去年陷入衰退，情況會延續至今年上半年，不過，隨著持續的寬鬆政策，17個成員國經濟目前已開始企穩，經濟活動會於下半年逐漸復甦。唱衰經濟又係唔想匯價升。
歐元下跌，歐股回落1%，美股昨日繼續維持先跌後回穩走勢，杜指中段最低跌超過130點，午係反彈，收市跌幅收窄至42點，報13944點，標普500指數微跌3點，收市企穩1500點上方。
富國銀行股市策略師Scott Wren認為，周四美股下跌，可能是由獲利回吐引起的，投資者正在觀望，等待股市回調的機會來買入，屬於簡單的市場反應而已。預計大會繼續震蕩走高，最終在更高的水平才出現較大回調。
美日齊放水，債市在呢種大印銀紙債息又低的環境下，調頭沽債，都係正常反應，因為債息咁低，仲可以再低到去邊？繼高盛、格羅斯、索羅斯之後，商品大王羅傑斯亦加把口唱淡美債，話自己都沽緊美債，佢認為美國聯儲局以最快速度印錢，日本又加入呢個無限印錢的行列，所有事情都相當人為。他認為如今有可能正出現30年長債牛市的終結，沽空美債會有收穫。股票可能會繼續升，但他不知能維持多久。日本央行印銀紙對世界不利，但可以推升股市，日元崩潰，令股市升上天花板。佢睇好日股，話美股已到歷史高位，但日股卻比高位低75%，佢認為日股起碼應該比低位倍升。佢同時睇好俄羅斯股市。
呢個貨幣戰爭，搞到金融市場大亂，但美日印錢加上日圓大跌，亦推升股市的主要因素。
農曆新年假期又到，祝大家新的一年投資技術巧，更上層樓。
陸羽仁
回應(9) 我想回應
陸羽仁 BLOG 舊文