中環在線：李小加張華峰為錢嗌交廿分鐘 - 李華華
食飯食出火！港交所(388)行政總裁李小加同九大證券組織?會長噚日約埋一齊食晏，大家原本冇乜期望，估計都係吹完水就散水，點知席間竟然上演?一場幾有火花?好戲，姑且將套戲叫做《串嘴小加鬥華峰》先。
搵錢撻人搞出事
話說九大證券組織會長同李小加準時一點?中環利苑食晏，一開頭大家都言談甚歡，有講有笑，但係當立法會金融服務界議員張華峰開始入正題，要求李小加多加照顧本地中小券商，例如減報價機收費，等佢?生意易撈?，咁就出事。李小加以前多數應?就算，點知幾位座上客憶述，小加今次串嘴兼豪氣咁拋下一句：錢解決到?問題，畀曬你囉！
港交所舊年來自網絡及終端機用戶收費、數據專線及軟件分判牌照費?收入係3.34億元，只佔總收入4.6%，李小加可能覺得呢筆收入濕濕碎，加上早前斥資過百億買入倫敦金屬交易所，錢途無限，豪畀你又點話。
唔妥偏幫外資行
張華峰聽到李小加用錢撻佢，已經唔高興，對方仲要加多句你代表四百幾個經紀，咁小圈子，即時辣?張議員，雙方繼而針鋒相對，嗌到面紅耳熱，成?人唔敢出聲，睇佢?嗌交，大致係李小加話已經做好呢份工，張議員就認為佢偏幫外資券商，嗌足廿分鐘先收聲。
立法會金融服務界前議員詹培忠就話外號「潮州怒漢」?，估唔到張議員都唔係省油燈。佢事後回應，指李小加好執著，原本諗住呢餐飯可以拉近距離，點知越拉越遠。
李華華
mailto:LiWaWa@AppleDaily.com
上一則: 樂香園：搶金背後藏危機 - 海迪
下一則: 中環在線：東亞攻網絡搵容祖兒寫Blog - 李華華
中環在線 - 李華華 舊文