中環在線 - 李華華 2013年5月8日
中環在線：福臨門推月餅同嘉麟樓鬥貴 - 李華華
半島酒店嘉麟樓上月宣佈，今年奶黃月餅將會大幅加價，賣成485蚊盒，令全城嘩然。富豪飯堂福臨門亦計劃今年大量推售月餅，話事人徐沛鈞阿仔徐德強(Duncan)唔講訂價，淨係話福臨門做月餅歷史仲耐過嘉麟樓，相信捧場客一定肯花錢買，似乎應該仲貴過嘉麟樓出品喎。
上市不會狂開分店
華人飲食(8272)噚日召開股東特別大會，通過收購福臨門部份可換股債券，換言之，福臨門日後可能成為上市公司。華人飲食連隨公佈，落實租用一個面積35,000方呎?廠房，用?做烘焙食品、熟食同包裝食品生意。
公司之前話有意租廠，市場即刻估佢係咪想大量推售福臨門月餅，舊年一盒兩個福臨門月餅賣兩百幾蚊，仲要熟客先買到，相當矜貴，若大量發售，肯定吸引到一班強國人，售價亦唔會平。
Duncan?股東會被問到，今年能否大量推售月餅，佢笑笑口話希望可以，又對福臨門?出品好有信心，捧場客實肯花錢買。
佢又話，即使成為上市公司，都唔會為追求增長而狂開分店，一定要保住呢個金漆招牌，就算擴充業務，只會?澳門、內地，甚至歐美開店，在港開分店?機會唔大。
上一則: 代言大家樂最低工資飯青姐喊樣再現 - 李華華
下一則: 中環在線：施永青叫代理轉做碼頭工 - 李華華
中環在線 - 李華華 舊文