中環在線：大孖沙頻增持有乜啟示？ - 李華華
三號風球雖已除下，本港樓市淡風卻越吹越烈，政府3D(SSD,BSD,DSD)辣招齊發，樓價雖然企硬，交投卻靜過鬼，搞到地產代理冇啖好食，星期日仲話上街示威抗議，慘淡情況可想而知。
樓市唔掂，地產股自然冇運行，但大孖沙竟無視壞消息，近月密密增持公司股份，實在唔知葫蘆裏賣乜藥？！
四叔最勇眼光麻麻
要數最積極?富豪，就不得不提經常將「買股好過買樓」掛?口邊?恒地(012)主席「四叔」李兆基，佢今年三月底起開始出手，直至上周二，共42次增持恒地，涉資25.2億元，可惜入市價唔太靚，呢批貨賬面蝕緊3.8億元。
相反，新地(016)大股東郭老太鄺肖卿同會德豐(020)大股東吳光正就叻得多，其中，郭老太六月用?3.3億元，分12次掃入新地，呢批貨至今賬面賺765萬元。吳光正同期用3,660萬元，8次增持會德豐，現時賬面利潤有144萬元。
眾所周知，呢三間地產商土炮味道極濃，一旦樓市崩潰，佢?肯定首當其衝，股價一定反映得最快。會德豐仲好?，持有九倉(004)股權，有租金頂住些少，但市道差?話都好難講。
超人唔出手有??
財爺曾俊華近日接受訪問時話，唔排除會再出招冷卻樓市，加上美國退市在即，息口趨升，樓市定必雪上加霜。咁多不利因素下，佢?依然勇字當頭係咁掃貨，唔通想曲線表態支持狼英，認同佢?樓市政策？
之不過咁，出名拿捏入市同出貨時機好準繩?首富李嘉誠，呢段時間冇乜點出手增持長實(001)、和黃(013)，呢個啟示係咪更大呢？
李華華
mailto:LiWaWa@AppleDaily.com
《蘋果動新聞》新版App已經推出，居家遊行上街上網都咁方便，快?更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 五新股未獲足額認購
下一則: 中環在線：魏家福黯然退休馬澤華接掌中遠 - 李華華
中環在線 - 李華華 舊文