中環在線：盛智文北上蒲老蘭 - 李華華
老蘭化身7仔盛智文不言休
「蘭桂坊之父」盛智文出名鬼馬，佢身兼海洋公園主席，曾經扮水母、月老做宣傳，蘭桂坊北上發展，當然唔可以咁正經。噚日無錫蘭桂坊舉行動土儀式，盛智文以《職業特工隊》配樂，駛部鏟泥車入博覽中心會場，又與森巴女郎大跳森巴舞，講明咁高興，點可以畀佢停，直情唔識retire(退休)點串！
■蘭桂坊之父盛智文(左二)飛去無錫，參與品牌在當地的動土儀式。程志遠攝
「使命係令所有人高興」
64歲盛智文?無錫接受訪問時坦言，自己?使命係要令所有人高興，「如果我生活咁有趣，點解要停?佢？」，「環遊世界我做?，兒子又?我身邊，我好享受目前每一日。」只要身體保持健康，有能力做，佢都唔會考慮退休。
佢阿仔Jonathan(盛凱)亦指，盛智文最怕悶，又冇耐性，舉例，「有次同佢打高爾夫球，一次過買?10枝球棒，去到球場未打夠幾分鐘，佢已經喊悶要走。」?阿仔心目中，盛智文冇個人興趣，唯一興趣就係返工，「叫佢退休，佢都唔知做乜好！」
話雖如此，盛智文近年已經將蘭桂坊生意交畀Jonathan打理，自己只負責策劃，例如蘭桂坊近年北上發展，成都蘭桂坊前年營運，海口蘭桂坊料明年初開張，無錫蘭桂坊開始發展。
【投入咬唇】
■盛智文亦學識chok的文化，交足戲。程志遠攝
【鏟住入場】
■駛部鏟泥車入博覽中心會場，堅！
【成都老蘭】
■前年開始營運，成當地新景點之一。
蘭桂坊遲早上市？
無錫蘭桂坊約一半面積作餐飲，其餘設零售、娛樂同戲院，盛智文希望呢度日與夜都有得玩，再唔係只係夜晚先去蘭桂坊。短期內，蘭桂坊仲會落實去長沙發展，睇來蘭桂坊重提上市係遲早?事。
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 樂香園：奶粉風暴 - 海迪
下一則: 中環在線––心願：內地開海洋公園 - 李華華
中環在線 - 李華華 舊文