實戰理論：後市玄機如何參透 - 沈振盈
■投資市場就是炒預期，炒相反的。
期指結算後，市況回穩，市場已消化了?利亞的地緣政治因素，而黃金、石油等價格回落。至於早前出現資金從新興市場流走的情況，似暫獲紓緩，相信短期的負面因素可望放低，恒指有望重上波幅的頂部，即22200點水平。
不過，再看期指倉，9月未平倉合約只得95,607張，似乎仍未夠倉。未來一周仍有機會震多一口，不過可能是先抽高才震。
最近同行家閒聊，因為?利亞事件，大家將話題扯到當年秋官的經典劇集「大時代」。特別是最後一集，當全市場認為打仗會令股市大跌之時，點知市況卻大升。大家不約而同稱讚當年此劇的編劇有sense，亦對股市有所認識。此劇於1992年拍攝，正好是1991年波斯灣戰爭之後。
每次打仗買貨良機
當年筆者仍在大快活(052)打工，已經偷偷地在公司炒股票。當年一聽見話打仗，就即刻沽清所有股票，想法跟一般散戶一樣。結果，一開火股市就大升。自此之後就認識到，每一次的地緣政治因素一出，就是買貨的機會。往後的戰爭事件，股市的上升反應就越來越早。2003年攻打伊拉克，當陸上部隊從約旦一開車，金價即從380美元急跌到300水平。今次仲離譜，都未知會否打，金價升了一日，就即刻跌。投資市場就是這樣子，是炒預期，炒相反的，當全世界有著同一樣的看法之時，往往就是逆轉之時。究竟現在全世界是看好？還是看淡？大部份資金是傾向買貨？還是沽貨呢？鋪排了一個悲觀情緒？還是樂觀預期呢？以上幾點將是後市走向玄機，讀者們能否自行參透呢？
沈振盈
證監會持牌人士
肥佬黎有今日，全賴阿媽細個同佢講過乜？即睇最新一集《亂?24》，話唔定幫到你！
http://bit.ly/appletalk24
上一則: 曾淵滄專欄：美軍最多小懲?國 - 曾淵滄
下一則: 財智語陸：大市低位有承接力 - 陳永陸
實戰理論 - 沈振盈 舊文