中環在線：當年避沙士「結緣」四太情迷Versace - 李華華
■四太(左)?簽約戰衣由Donatella Versace(右)為佢度身訂造，兩人一樣咁搶鏡。
10年前沙士期間，人人唔敢出街咁滯，城中富豪身驕肉貴，當然避得就避。賭王四太梁安琪噚日爆料，話當年佢同賭王避走澳洲黃金海岸半年有多，閒時經常去屋企附近?Palazzo Versace酒店high tea，相當欣賞呢間酒店，造就今時今日邀請對方合作，同澳博(880)一齊?澳門開新酒店，噚日一齊就?簽約儀式亮相。
當年日日去high tea
四太透露，當年?黃金海岸住，差唔多日日去Palazzo Versace酒店飲下午茶、做運動，去得多，越覺得?度好靚、好有品味，佢最鍾意酒店有個室內沙灘，high tea用?Versace餐具亦相當精緻，令佢留下深刻印象。
來自意大利?Versace更加係高貴時裝品牌，四太當然係粉絲，廿年前已經著Versace晚裝，唔知係咪著住同賭王跳舞呢？噚日澳博正式同Versace?澳門簽約，四太話，原先諗住搵番廿年前一套Versace出?著住簽約，點知經過咁多年，福氣?好多，唔多?身，惟有放棄。
■超盈、猷亨盛裝撐場，猷亨仲好有風度傍住家姐。
好在Versace好有心，創辦人妹妺，即係創作靈魂人物Donatella Versace專登為四太度身訂造一件花花外套配藍白色格仔褲做簽約戰衣，Donatella Versace就一襲黃色貼身裙，兩人一樣咁搶鏡。四太?寶貝仔女超盈同猷亨亦盛裝撐場。
李華華
mailto:LiWaWa@AppleDaily.com
激戰拍續集，但家輝話唔敢再變筋肉人？
到底練定唔練？即睇足本《亂?24》，專訪張家輝、林超賢！
http://bit.ly/appletalk24
上一則: 中石油：受查不影響償債
下一則: 中環在線：殼後有眼光搵Cool魔代言名錶 - 李華華
中環在線 - 李華華 舊文