智取大市：信義開車睇升兩成 - 晉佳
■信義玻璃近期跌市反而有轉強跡象，隨時展開新一輪升浪。圖為主席李賢義。資料圖片
港股周一跌347點，但全個月埋單依然升1,128點，高位曾挑戰23500點附近，不過此水平係08年5月延伸到𠵱家?三角形阻力線，面對形成超過五年?阻力，壓力自然不輕，呢個位逼住回吐都難怪。
港股跌，但周一A股仲有得升，過往香港上市非指數股份尤其中資股，普遍跟A股走居多，所以周一跌市只限於指數股，非指數股唔多覺好差勁。
跌市頻現陽燭整固完畢
踏入10月，短線指標都幾mixed，你睇H指出現九連陰，沽壓沉重；港匯、人民幣匯價轉弱；睇埋日線圖MACD出現沽售訊號，可能要等到MACD線跌到接近零先會有支持，呢?指標反映短線調整仲未完結。不過，去到10月初，內銀季末考核完結，資金會鬆番?，雖然美債上限問題?執筆時仲係惡搞緊，不過狼來了令股市暴跌機會唔大，不明朗因素始終會逐個釋除，呢?因素又有利股市，現在離底不遠，加注可趁今個星期，但要預?低位都chok餐飽。
短線調整未知幾時完，呢?環境買強股先係王道，唔係講緊升到?雲咁高?科網股、濠賭股，而係高位整固完畢，但長線保持升勢?股份，呢?股進可攻退可守。信義玻璃(868)近期跌市反而有轉強跡象，原來佢日線圖MACD已經跌到去零水平，係近年股價調整浪低位附近，仲?跌市連續出現陽燭，擺明有支持；周線圖保歷加通道近幾周亦成功守住中軸，再現兩連陽，睇?似展開新一輪升浪。
信義玻璃上半年收入增18.4%，毛利率又由23.8%勁升至31.2%，亦成功控制成本，銷售開支、行政開支增長都明顯低過毛利增幅，純利升1.1倍到10.04億元，盤數冇乜瑕疵可言。信義玻璃年度化市盈率13.9倍，以佢執行能力?計，唔算貴。至於佢個對手福耀玻璃亦申請H股上市，不過，福耀玻璃A股市盈率不足10倍，估值反映投資者睇法，相信港股投資者亦可能認為信義質素稍優。
信義玻璃以前主攻汽車玻璃，本身主要市場係美國，需求可望平穩上升；建築玻璃業務反而係上半年?亮點，收入同分部盈利分別增長46%同72%；另外，信義新產品超薄電子玻璃第三季投產，主要用?智能手機同平板電腦，以信義?市場地位同track record，新產品唔愁冇生意，但能夠提供幾多增長動力，仲需時觀察。
公司?9月初配股，每股作價6.7元，籌近8億元。之後分拆信義光能就變?係以介紹形式上市，即係一個仙都唔使籌，擺明話你聽佢寧願用隻值錢??股去集資，除笨有精，亦話畀你聽集資已收夠籌。事實上，唔夠一個月，股價已經?夠，返上配股前水平。呢類優質股13.9倍市盈率唔算貴。如果以過去股價pattern去睇，新一輪升浪可能為時一至兩個月，由現價睇大概有兩成潛在升幅，即兩個月內可睇8.5元，跌破6.8元止蝕。
晉佳
本欄逢周三刊登
死過翻生的卓韻芝要同倪匡蔡瀾肥佬黎講人生大限？
毌需忌諱，《亂?24》周一至周五預埋你：http://bit.ly/appletalk24
上一則: 中環迷你裙：GAP創新災難 - Samantha
下一則: 魚樂無窮：三光環護身中興值博 - 唐牛
智取大市 - 晉佳 舊文