智取大市：四大理由要追雅士利 - 晉佳
■雅士利估值若要同蒙牛睇齊，至少要升到5.7元，如果高蒙牛估值一成，就可以睇6.27元。路透社
三中全會全文提到單獨二胎，果然夠震撼，相關概念股升到爆燈。受惠?奶粉股裏面，雅士利(1230)目前必然係首選，近期股價強絕同業股份，就知小弟無吹水。論原因，第一，業務有強勁改善空間；第二，估值相對同業未算貴；第三，全購3.5元完成，貨乾，全無蟹貨，升得起；第四，當初3.5元搵?唔少big name入股，包括淡馬錫同厚樸基金，幕後擺明見你係大牌先預你玩，普通hedge fund真係睬你都?，要貨就唔該?市場幫手掃上去！
所以上周二復牌，4元優惠價停唔夠一日，就一去無回頭衝?上去，全購後?貨一早收齊，都費事等你有機會買平貨。
管理層「蒙牛化」
至於5.09元夠唔夠平，答案係依然平。先講嚇故仔，雅士利本身從事國產奶粉，過往一直唔受歡迎，原因係三聚氰胺事件後，內地人唔信自己人做?奶粉，有錢就買外國奶粉，所以雅士利只能進軍三、四線市場，之後佢話引入新西蘭奶源，準備做類似合生元(1112)?假洋奶業務，市場當時半信半疑。另外，遠在三聚氰胺事件當中，雅士利舊管理層勁無義氣，曾經唔肯向分銷商回收奶粉，跟住得罪?好多分銷商，估計事件大大影響其後銷售表現。
不過，上述問題，自從蒙牛(2319)入主之後，已經成為過去。
蒙牛?今年6月宣佈每股3.5元收購雅士利，其後仲更加換埋管理層，由蒙牛總裁孫伊萍出任主席，實行將管理層「蒙牛化」。賣奶粉，信心是最緊要一環，而自此之後，雅士利就係蒙牛?奶粉業務旗艦，無論係雅士利?國產奶粉定係假洋奶，都有蒙牛信心的保證，未來銷路肯定大踏步，加上中央有意打造國產奶粉龍頭，蒙牛旗下的雅士利點會無份？
至於業務即時正面影響，相信係同分銷商關係突然破冰，仲可以利用蒙牛分銷網絡賣奶粉，咁你話，長遠銷量有乜法子唔勁。可見將來，只要產能配合到，雅士利收入同盈利應該能夠爆發式增長。
首站目標價6.27元
論估值，經過一輪升勢過後，雅士利歷史市盈率去到30.76倍，由於收入、盈利基數低，增長潛力相比阿媽蒙牛同對手合生元更大，絕對唔算貴。如果簡單用市賬率計價，雅士利3.53倍，由於盈利潛力比蒙牛更高，所以估值可以比蒙牛貴，但蒙牛市賬率都要成3.95倍。
假設蒙牛股價唔上唔落的話，雅士利估值要同蒙牛睇齊，至少要升到5.7元，如果高蒙牛估值一成，就可以睇6.27元，晉佳將雅士利首站目標價訂?6.27元，事實上亦算保守。由於噚日股價開始出現調整，未知整固幾耐，所以建議分段吸納較穩陣。
晉佳
本欄逢周三刊登
足本收睇《亂?24》x 楊千嬅；影帝張家輝接力上陣！
周一至周五《亂?24》約定你：http://bit.ly/appletalk24
上一則: 中環迷你裙：自貿區頭銜泡沫 - Samantha
下一則: 魚樂無窮：慕詩炒作概念多籮籮 - 唐牛
智取大市 - 晉佳 舊文