情陷夜中環：水魚 - 葉朗程
■男人有車，可以令女人有安全感，但車越靚，未必代表會越有安全感。
跟你玩個「相反詞」遊戲，蠻有趣的。
凡是形容詞，都總有正負兩面。「高」是正面，「矮」是負面；「富」是正面，「窮」是負面。那麼，「鹹濕」這個形容詞又怎樣？是正面還是負面？Alright，就當「鹹濕」是負面，那麼其相反詞又是甚麼？「唔鹹濕」？唔好玩啦，「唔鹹濕」點算係一個相反詞呀？其實，想不到答案是正常的，因為「鹹濕」根本沒有相反詞。
這個遊戲要帶出的訊息，就是世界上並不存在「唔鹹濕」的男人。男人鹹濕，原來是一件天經地義的事。Wait a minute，想到了，「鹹濕」的相反是「性冷感」！好，如果性冷感是鹹濕的相反，那麼「鹹濕」是負面，還是「性冷感」是負面呢？答案好簡單，問一問自己，如果甲先生鹹濕，乙先生性冷感，那麼需要睇醫生的，到底是甲還是乙呢？問?都多餘，so yes，there you go，鹹濕真係無罪，唔鹹濕反而要睇醫生。
男人鹹濕女人現實
聽過有些女孩子會這樣問自己的男朋友：「你真係好鹹濕呀！你係唔係對住個個女仔都會咁鹹濕?？」問得一個咁冇質素?問題，證明你的另一半都唔慌有質素得去邊，那你只需用一個毫無質素的答案便可過關：「Sweetheart，我係鹹濕，不過係對住你先會咁鹹濕。」當然，兄弟們，大家都知道實情是剛好相反的：對住女朋友，我們鹹濕，但對住其他女人，我們更鹹濕。
天下烏鴉一樣黑，世界上並沒有不吃魚的貓，女人最鍾意就係講呢兩句話。沒有辯駁的餘地，男人唯有坦蕩蕩地承認：我們就是這樣的。不過，上天公平，既然我們是與生俱來的鹹濕，那女人都應該總有一些與生俱來的「弱點」才是吧。放心，是有的。
將之前的遊戲再玩一次，而這次，我們嘗試找找「現實」的相反詞。「現實」的解釋有幾個，我所指的，是以下的意思：嘩，你個人乜都講錢，咁「現實」?！對，就是這種「現實」。怎樣？想到「現實」有甚麼相反詞嗎？哎喲，原來「現實」也沒有相反詞的。By the same logic，女士們，恭喜你，「現實」雖然是個缺憾，但絕對不是你們的罪名。
女人的現實，跟男人的鹹濕一樣，是一種動物本能，只不過我們會將一般動物的「現實」定性為「物競天擇」。譬如說，如果你是一頭母獅，試問你會否願意跟一頭冇牙冇爪的雄獅雙宿雙棲呢？當然不願意，因為雄獅的「爪」和「牙」，是母獅受保護的保證。沒有爪牙，就沒有安全感，所以女人的「現實」本能，其實只是為了安全感。
男人不是獅子，沒有「爪」和「牙」，但取而代之，能夠讓女人有安全感的，恐怕是「樓」和「車」了。聽過最現實的女人說的一句話就是，「冇車冇樓，唔該早?」。雖然聽落令男人好唔舒服，但我們必須明白，女人這樣說，其實只是她們對安全感的一種原始追求。除非男人可以唔鹹濕，否則我們其實不應要求女人唔現實。「如早知今生跟你有幸可相愛，在當初應更努力為未來」，一首如此經典的情歌，唱的就是這個道理。切切實實，努力工作，買車買樓，才可今生跟你有幸可相愛。話雖如此，但又是否樓越大、車越靚，就能給予越大的安全感？
是日有個重要約會，我費了很多時間裝身，終於找到最佳配搭。灰色西裝褸、淺紫色恤衫、米色卡其褲、橙色皮帶。左照，右照，型，oh my god，係好型。古龍水混合沐浴露的餘香，是性感的芬芳。Last check on my hair、戴錶、?銀包、著鞋、出門口。
等電梯的時候，再望望自己的鞋子。唔得，唔襯，回家換鞋，還是深啡色那對loafer好。承認自己百分百膚淺，平時已經過份注重外表，但今天肯定是格外的姿整。
安全感不等於虛榮感
來到銅鑼灣新寧道附近，已看到餘小姐在等候著。走過去打招呼，餘小姐禮貌的說聲「葉生早晨」，但我如此著緊的約會對象不是她。仲未?？「?緊?啦，唔好意思葉生，麻煩你等多陣。」餘小姐說。唔緊要，等，我一定等。
果然，5分鐘後，開始隱約聽到熱情又低沉有力的聲音，除我之外，街上有兩、三個男人也從她的方向望過去。她終於出現了。各位，等我?介紹，F-Type──人生第一輛開篷車。坐上去，緩緩地由新寧道駛出大街，開始感受到預期中的收視率。好爽，因為好威。有車有樓，是安全感；有大屋靚車，是更高一個層次，虛榮感。
所有女人都現實，而所有女人都應該現實，但現實得來要合理，過了火位，有危險。說得白一點，女人可以追求筍盤，但如果過份地筍，要有警覺性。能夠給你虛榮感的男人，不是會給你安全感的男人。
換著我是女人，真的寧願遇上一個沒有車沒有樓的男人，然後期望他發憤圖強後，會買一輛實際的七人車，而椅背會貼上你喜歡的小熊維尼公仔。葉朗程決不是這種男人，你試嚇?我?車貼公仔，我肯定同你死過。
男人的樓越大，車越靚，未必代表越有安全感，除非，個男人戇居到，將所有樓和車，全部寫曬你個名。但通常，有錢?男人都唔會咁戇居，but then of course，有例外的。
如果你是在尋找那個例外，想找到一個有錢又冇腦?男人，你要搵?，唔係筍盤，係水魚。
葉朗程
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 好不主席：棄明投暗 - 盧先亞
下一則: 昇禦門呎價2.2萬重推近乎貴絕紅磡周六或爆四盤大戰
情陷夜中環 - 葉朗程 舊文