Prof J財技特訓班：追蹤龍虎三王 - 徐燦傑
■蔡加怡任主席的康健國際，是筆者推介三隻股份的其中一隻。資料圖片
人行一話要平衡新舊經濟嘅混沌，即刻叫寶寶行慢啲，雙馬又要行慢啲；咁又啱嘅，無舊何來有新，中國人社會，儒家思想，情理法，舊經濟嘅一班老友記都為阿爺國頂咗咁耐，一話捧新經濟就自然唔「合皮」！記得有間上市公司CFO同我講，一個家要融洽，中港要國內新舊經濟成員都要，無家何來有國呢？新經濟巨輪一定向前，問題在於時間，叫停互聯網根本係無可能，除非電話返轉頭做番電話嘅功能，否則只會係喺沙石中繼續前行！唔好咁快因一個數據去判斷大局，咁就跌入自己嘅盲點！心正、眼明、事清啊老友！
睇實醫療板塊
要喺馬年捉好股，Prof J追蹤以下龍虎三王：(一)康健(3886)，正式改名叫康健國際加多醫療兩個字，醒即係醒，加醫療後射燈就會射得準啲！今年Prof J曾同行家傾過，有隻醫療基金去到3月頭已經有9.9%回報，資金(包括基金)都去掃呢個板塊！如果雙馬由飛天走向地下，咁醫療板塊就係老虎送多佢一對翼，睇實！
(二)中國信貸(8207)，互聯網房貸有效活化內地一潭死水嘅悶局！講真人行叫停互聯網金融箒，其他嘅互聯業務只要可以創造價值，自然會得到支持！外國P2P(即係人對人，已經非常成熟)喺內地法規越見重視嘅時候，其他相對少規管就可以火力全開，幹一番大事！我就係用呢個想法同大家分享！
(三)華南城(1668)，Prof J你儍咗呀，又話科網要唞一唞。但電子商貿嗰面，一定要有物流呢個元素去頂住，騰騰入咗去華南城之後，始終都係要虛加實。當然，今日騰騰出業績，大家都覺得佢OK，但有乜嘢支持去頂落去，併購自然係其中一個angle，講真要交數有好多方法！一齊追蹤呢龍虎三王！
徐燦傑
中國銀河國際財富管理主管
本欄逢周三刊出
上一則: 投資一周：問貼士怎拆招 - 周顯
下一則: 趣BlogBlog：1060賴死唔走的原因 - 股榮
Prof J財技特訓班 - 徐燦傑 舊文