青心直說：玩套戥有學問 - 胡孟青
■近日市場用AH股差價借滬港通玩套戥圖利，筆者認為，套戥大有學問，散戶要清楚。資料圖片
理論上，在不同市場交易的同一產品，價格應該是相同的，以較為顯淺的例子作比喻，假如同一個新奇士橙在香港賣5元，而在內地則可以賣10元，理論上，只要把橙運往內地，每個即可以賺5元。
自從總理李克強公告天下，市場裏人人都在講互聯互通，以訛傳訛之下，胡裏胡塗、自我催眠而仍未自知，所謂A、H股之間差價，借「滬港通」大玩「套戥遊戲」而圖利，其實，到底「套戥」兩個字是甚麼意思，又會有多少人能搞得清楚呢？
新界橙與龍崗橙，雖然都係生於祖國大地，兩類橙背後的供求都不一樣，又豈有同價之理！
只見首日A、H股大折讓的股升爆燈，翌日大溢價股則大插水，經紀向客戶推薦炒差價的台詞與對白，卻是千篇一律。
一個人講你未必相信，兩個人同時講述同一道理，也許你仍在猶豫，惟當三個人同時在講，還要講到真的一樣時，個勢又做到似層層，反正大家就是信到十足了。
投資者滿以為在香港證券商食正條水，查實根據本地大型中資券商理解，現時內地客落盤買港股仍會把柯打經由香港券商，中、港券商形成合作夥伴關係，即本地經紀仍可「過水濕腳」。
而半年後滬港通正式啟動的時候，內地券商客戶買港股，據悉內地股民既不需再開戶，亦不需換滙，柯打將不需要再經本地券商，本地中資券商反成為政策受害者，要柯打就唔該自求多幅，自己搵客啦！
復活節假前齊散水
阿爺係送大禮，不過，不是送給「香港」，而是直接送了給港交所(388)；將來以離岸人民幣資金池結算，小妹仍持有的中銀香港(2388)，相信亦有份拆禮物啩。
當然，香港嘅「羊山羊太」，亦蠢唔曬，當千億元的成交，快速打回原形後，就算阿爺唔收水，都要沽貨過復活節吧。
眼見昨日港鐵(066)已唔迫人、告士打道唔塞車，即可知不少市場中人已遊飛機河放假去也。
胡孟青
獨立股評人
上一則: 異動空間：大明隨時翻半番 - 魏力
下一則: 投資一周：證券股好搶手 - 周顯
青心直說 - 胡孟青 舊文