置業信箱──點解有些新盤開則古靈精怪？
問：看電視的樓盤節目，有個新盤好多古靈精怪的設計，例如：大大塊玻璃牆，但係就係磨砂玻璃窗台好長，但係又好窄特登將間屋起到個surface area好大，仲要好多都係玻璃窗斜面窗台細細個露台，仲要分開兩截
點解佢地要咁做？係唔係諗住賺多啲？乜唔係強化玻璃貴過石矢牆咩？
答：發展商設計樓則，都是參照建築物條例及屋宇署的作業指引。而近年最大的改變，就是限制發展商最多只可以「發水」10%。
所謂「發水」，是指發展商獲得總樓面面積以外的豁免面積，例如窗台、環保露台、工作平台，都可以獲得豁免，結果發展商用盡法例上容許的條件盡量加大豁免面積，出現「發水樓」。
針對此事，政府推出新政策，限制豁免面積不得超過總樓面面積，同時限制某些設施的呎吋，大家有興趣可以參閱：http://www.devb.gov.hk/filemanager/tc/content_3/gfa_rev_feb2011_chi.pdf
其中，大家可以看到：
非結構預製外牆(寬免厚度減半，由300毫米下調至150毫米)
窗台設計的規管
現行準則：從外牆外面伸出不多於500毫米
修訂準則：從外牆外面伸出不多於100毫米
面積是闊度乘以長度，如果限制了闊度，那就惟有增加長度，所以一些發展商就會盡量增加單位的外牆圍邊的長度。
至於一些以前是窗台的位置，一些發展商又會以預製組件或玻璃幕牆，代替窗台甚至牆身，所以才會出現各式各樣的古怪設計。
筆者個人的意見是，合拼露台的開則，已經近年無咁差的設計，其後政府規定要分開環保露台和工作平台，才出現一些「細細粒」露台。
所謂「你有張良計，我有過牆梯」，可見將來政府和發展商會繼續鬥法，可憐消費者要被迫接受「特色設計」了！
趣遊樓市 - 脫苦海 舊文