一周三件：原生態勝在平 - 錢雋
■原生態的PE及PB平絕乳業股。圖為集團主席趙洪亮。資料圖片
原生態牧業(1431)上年11月26號先上市，同日見過上市最高位2.71元後，一度直插過50%到谷底。但講規模質地，原生態唔錯，PE、PB又平絕乳業股，就連巨無霸蒙牛(2319)都係佢股東。原生態，Buy！
蒙牛入股有料到
原生態係祖國第四大原料奶生產商，向包括祖國龍頭乳品企業蒙牛、伊利同光明乳業提供優質原料奶。
上年原生態在港上市，蒙牛認購咗原生態4.4%或1.72億股。外行人包括大fund入股，或者唔係一回事，但由行內大哥大揀過再入股，就知原生態真係有料到。
嚟緊日子，包括唔夠班乳企，會被叫停，又專業評估，祖國推兩孩政策，每年新生BB，達到200萬人次，單係呢兩個point，對具規模乳品企業，包括原生態就超級肥仔水。
又原生態經上市後，家陣手頭淨現金高達20億港銀，有足夠銀彈發展之餘，最緊要係，唔使再俾融資成本蠶食佢靚絕嘅利潤。
市場專業評估，原生態今年就算計埋上市權益攤薄，EPS仲可以增長36%，上到0.15港銀，PE跌到得9倍多少少；而集團呢個貼住上市低位殘價(1.36元)PB得1.1倍。
上邊大哥大蒙牛，今年預測PE 27.7倍、3.7倍PB，合生元(1112)今年PE 18.8倍，PB高達9倍。至於現代牧業(1117)20倍PE、2倍PB，雅士利(1230)16倍PE、3.3倍PB，輝山乳業(6863)預測PE亦上到16倍。原生態平霸！
買原生態，當翻半番計數，見兩蚊水位，到時集團PE先上到13倍，PB都係1.6倍，未有耐追到上邊任何一間行家嘅PE、PB水位。
錢雋
細價股專家
本欄逢周二、三、五刊出
上一則: 投資學堂：內銀悶爆怎辦 - 譚紹興
下一則: 滙海探戈：瑞士糖KO啄啄糖 - 奇兵
一周三件 - 錢雋 舊文