魚樂無窮：如何計算炒股值博率
■福田實業去年扭虧為盈，現價低殘，值博率高。
前輩教落，炒股講求值博率，巴西對住香港雖然贏梗，但賠率只得1.0001倍，點計都唔值博。如何計值博率？了解主要對手成本價至為重要。今日推介兩隻股份──福田實業(420)及萬德移動(8163)，乃最好?教材。
福田執靚盤數有玄機
先講福田，呢隻老牌紡織股，前年獲央企中紡集團入主，每股作價1.25元，最新持股量達36%，取代原來?夏氏家族成為大股東。兩年下來，福田業績亦顯著改善，去年成功扭轉虧損3.4億銀?殘局，錄得9,130萬元盈利。執靚盤數，下一步做?乜？當然就係注資啦！中紡由國務院國資委直接管理，乃中國500強企業之一，擁有自身棉花種植園、軋棉及紡紗廠、針織及紡織服裝製造基地，是但一瓣放入福田，諗起個協同效應都得人驚。福田最近出售附屬公司Cadicol予副主席夏錦安，似為重整架構鋪路，加上阿爺大力推動央企改革，福田大變身有齊東風，現價只係1.04元，比中紡入股價平近兩成，正正就係本欄初段所講?值博率！
輪到萬德移動，公司4月宣佈折讓75%一供四，供股價0.04元，有效申請佔擴大後股本44%，其餘未獲認購約11億股，由包銷商全數認購，約佔集團36%股權。供股不外乎想震走街外人，待收齊貨後再搞大龍鳳。該股噚日回落至0.043元，意味現價入場僅較包銷商成本價高出7.5%，只要嚴守止蝕位，又係一個極具潛力?投機機會。
唐牛
https://www.facebook.com/tongcow88
唐牛
魚樂無窮 - 唐牛 舊文