魚樂無窮：南華金融儲定有著數
大市真係好難睇！不是嗎？美股又插兩舊幾，諗住港股噚日實死冇生，點知恒指只低開78點，然後節節上升。那邊廂警察?金鐘拆棚，形勢再趨緊張，這邊廂港股卻越挾越有，中移動(941)、港交所(388)齊齊倒升，一度帶領大市升近300點。可惜，一剎那光輝唔代表永恒，好友防線再度失守，恒指倒跌收場，執筆之時期指更穿埋22900點，形勢不容樂觀。
指數偏弱，成交更創一個月低，從好?方面睇係沽壓不大，但更有可能係唔捨得沽，希望博彈高?先走，陰跌市況永遠最蝦人玩。細價股繼續喪炒，成為大市唯一亮點及希望，正獲洽購股權?瀚洋物流(1803)及格菱控股(1318)炒高兩成，加埋成交近億銀，鑊氣十足。一直有叫大家吼實?現金牛亞洲聯網(679)，終於大棍崛起，單日爆升33%，完美破頂，追落後可睇住另一隻經常品題?星光集團(403)，同亞洲聯網質地相似，日線圖已行至三角形末端，爆升可期。
屢傳賣盤消息
另一隻開party股係華富國際(952)，冇消息下喪升22%，唔通同滬港通有關？公司市值7億銀唔夠，主要股東持貨集中，加上屬正宗券商股，?曬強國人口味。未炒?可留意南華金融(619)，短短一年間已三度獲洽購賣盤。證明?兩樣?︰1.市場對本地券商股需求勁；2.大股東吳鴻生亦有心甩手，只欠一個雙方接受?價錢，相信賣盤消息會不時傳出，趁現時股價回落，儲定貨有著數。
唐牛
https://www.facebook.com/tongcow88
唐牛
魚樂無窮 - 唐牛 舊文