異動空間：生態園林第一股
中證監鼓勵沽空被大篇幅報道，逼得翌日周六急急腳澄清，表明無意打壓股市，解讀：肩負起國企改革的重責，中證監被任何人更怕市冧，底牌揭開，A股要升到完成改革任務、入埋MSCI為止，出口術係想個市升慢啲、升耐啲；港股升係要令A股估值合理化。看清大方向可增強持貨信心，
入貨跌5%就每日問：「魏Sir點算呀？」「xxx可hold嗎？」「幾時先升到目標價？」魏力建議係：多做功課，睇多啲、諗多啲；對於想不勞而獲的人，股市的懲罰是相當兇殘的，及早離去吧！
綠化是城市規劃重要一環，內地力谷城鎮化下，港股唯一主打公園設計、建築及保養的博大綠澤（1253），未來幾年絕對豬籠入水，可以買定等爆！三大賣點：一、A股同業平均47倍，博大僅19倍，大折讓60%，隨時成為陸資追落目標；市值33億元，CCASS貨值僅9.3億銀，當中十大券商共揸91%，意味真正街貨唔夠1億元，一搶貨肯定爆到七彩！三、九成收入來自政府項目，去年毛利率36%，高同業6個百分點，穩定又高增長。以30倍PE為目標，可升55%，目標6.7元。
魏力
http://www.facebook.com/2012jason
魏力
異動空間 - 魏力 舊文