中環迷你裙：股票去留判斷法
■恒指昨失守50日線，1,500隻股報跌。 李潤芳攝
最不願見到的畫面終於出現了，恒指失守50日線，1,500隻股報跌，評估千股傷勢，普遍可用嚴重來形容，頹勢非一日造成，唔少股圖表早已示警，只是Samantha仍堅信關鍵位如山海關牢不可破，誰
知沒懸念向下突破，報價機前，表面上冷靜沽貨，但嘴角已忍不住抽搐了，貪心終錯失沽貨機會，食糊位其實可以靚點。
A股MSCI今早將公佈，點解唔等埋先沽？對短線炒作來說，除非自問技術高超，最後一根救命稻草：紀律。就如有人喜歡追破頂股，有人愛撈底，究竟應該買入價10%、還是15%止蝕好？豐儉由人，只是訂下一定要遵守。
昨日市況為例，若奢望「殺得咁快，一定會有個反彈俾我沽貨嘅！」事實證明唔少股彈也不肯彈，第一支陰燭唔沽，第二、第三棍更加唔想沽。明天恒指若轉勢，起碼還有子彈可再衝，若如斯市況維持多幾日，深深坐艇也法撈吧。
Sam昨持倉策略是：大細價股一視同仁，邊隻大成交向下突破就格殺勿論。熱炒股看來只剩下一個重點：煤炭股，呢個板塊前景欠奉，只證明合併重組還有銷路，首隻純核電A股中國核電今上市，國改抬頭，作為三大核電巨頭之一，中核集團海外上市旗艦中核國際（2302）逆市升7%，可密切留意。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文