中環迷你裙：劏豬佬轉揸鑊鏟
■寶勝上周再發盈喜。圖為集團主席蔡乃峰。 資料圖片
世界很公平，人人只得24小時練功，肯努力鑽研的，自然獨當一面，阿強做「肉類分割技術員」幾十年，落刀之純熟，牛頭角上下師奶都知。有日，阿強喺豬肉舖隔籬開咗間餐廳，話要打造米芝蓮星級餐廳雲雲，問
題來了，師奶們字典裏僅記載著阿強劏豬好叻，冇講過阿強係廚神喎，「庖丁」之威名顯然幫唔到餐廳生意。
港股成交縮減至800億元，市況淡靜大家悶得發慌，有啲新聞係嚇你唔死卻笑鬼死。4個月前，匿名分析唱好神冠（829），噚日多咗個「劏豬佬」拎起個鑊鏟，專長睇跌、沽空開中國企業的Jon Carnes，竟然睇滬綜指8000點，理由係好多人錯過今次牛市，同埋投資A股的強國人屬少數。兩者命運類似：神冠累計跌幅38%，滬綜指尾市急插逾2%。
未斷奶的A股，尾市見國家隊冇影，即時喊畀你睇，港股尾段的升跌比例，再來個大逆轉，有個像樣的板塊終於冒起：體育股。2022年冬奧會今日揭盅，隻隻謀破頂，母企為裕元（551）、主力代理銷售國際體育品牌如Nike及adidas的寶勝（3813）非常硬淨，首季扭虧賺6,954萬元，按年勁升79倍，上周再發盈喜，若體育股屆翻身之年，寶勝就是隻領頭羊，4月起的上升軌未有破壞，今次破頂又是放紙鳶佳品。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文