異動空間：動盪市好淡通殺
昨日最異動明顯就係個市本身，猶如無人駕駛般chok上chok落，短線全無趨勢可言，繼續企埋一邊食花生。恒指現終極死亡交叉，50日線跌穿250日線，聽落好得人驚，其實不過代表過去兩個多月的表現，已比過去一年為差，反映一個大跌浪已形成。但另一角度亦代表個市已跌咗
一大輪，故出現終極死亡交叉後，短線反彈機會頗高，都係嗰句，熊市候高開put的勝算遠比博反彈為高，如不欲在跌市賺錢，離場為最佳做法。
打開恒指日線圖，過去三日有機會形成島形底，加上拋離10日線太遠，9 RSI仍處11的極超賣水平，結算前後有機現反彈。跟戰友傾開，佢提出「目前恒指超級弱，完全反彈乏力，會唔會橫行消化超賣，再由現水平殺落去？」這當然可能，但要冇新消息超悶先得。日內Jackson Hole會議或講加息，下月又閱兵又習奧會，間中阿爺又會亂出招，動盪市料將持續。倘若人仔又貶過，儲局對加息態度轉趨強硬，恒指向下突破時再追put也不遲，毋須太急落注。上月初推介的輝山乳業（6863），至今逆市累升60%，但動力指標背馳，小心。
魏力
http://www.facebook.com/2012jason
魏力
異動空間 - 魏力 舊文