異動空間：搵落後股博挾倉
港股衝上22000又回曬塘，五日內第四次，玩死人！一方面信心唔夠，有買盤都唔大手，二來全場人士都係搶雞糊，每次上到22000就食咗先，場面自然令人氣餒。如仍相信港股短線可反覆造好，有兩種做法：（1）在21500至22100內炒波幅，但動作要快難度亦高，只適合
成日望住個市的高手；（2）反其道而行，細注低吸，坐遠一點，博最終港股可突破此區間，以幅度換取較高的回報，如失守21500就止蝕。目前最災難的操作係突破追入，好易左右各一巴，本金大量消耗。
不少二三線股仍買賣兩閒，易入難出，較穩陣可吼落後藍籌博挾淡倉，利豐（494）獲美銀美林上調評級至買入，目標價升至7蚊，報告看好原因不算吸引，但作為挾倉藉口卻是綽綽有餘了爆升10%，成交配合大增。另一隻潛在佳麗可留意百麗（1880），近日股價捽咗個小圓底，可小注潛伏博挾淡倉，穿6.4元撤退，博反彈10%至15%。
H指成份股則可留意海油服務（2883），最新消息指中美將加強頁岩氣合作，配合技術指標改善、成交漸增，隨時成為挾倉的藉口，目標9.7元，8.2元止蝕。
魏力
http://www.facebook.com/2012jason
魏力
異動空間 - 魏力 舊文