女神tea time：有食唔食罪大惡極
■小朋友從小學習正確理財知識，相信將來投資可以有多一個理性嘅思考角度。 資料圖片
上周四推介隻福壽園（1448），而當日埋單炒高8.7%，至周五最高升至4.78元，較推介前股價累積升一成。呢個市況下，緊記「有食唔食罪大惡極」。
中
國股市過去升浪，主要係由於官方人為吹捧。而能夠靠吹水就吹起個股市，最重要係要有一班無知嘅股民。早前有外地傳媒報道過，中國有近七成新股民高中都未畢業，你叫佢買大細就識啫，哪有能力先了解後投資？
投資者教育重要，廣州決定從小著手，今年秋季起當地中小學會設「金融理財課」，高中生更加要學大量實務知識，包括開戶、買賣、分析等。此時唔少站在道德高地嘅人就會話，咁細個教佢炒股害死佢。我唔知金融理財課教材會係點，無從討論佢會唔會鼓吹投機。
不過，中國人太多，有海量低學歷人士。如果唔能夠自小學正確投資理財知識，知道基本股票價值分析，好多人往後未必有機會接觸相關資訊。所以假如教材內容合理，由細個接觸知識，我唔理佢最後咩學歷，總之佢將來投資股票市場，都可以有多一個理性嘅思考角度；即使佢唔買股票，但有基本理財概念，長遠對國家金融發展都係好事。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文