魚樂無窮：先思行禾稈冚珍珠
■先思行有齊兩大炒作元素︰概念+憧憬。 資料圖片
A股國慶假後復市，滬綜指埋單只升3%，股民普遍都唔太滿意，無他，A股休市期間，港美股市做得好靚，就算跟唔足都冇理由五折有找（港股期內升8%）。唐牛明白大家嘅想法，但需知道A股仍處於僵硬階段，升跌不由人，從好
嘅角度出發，冇倒跌應該萬幸。
再講，港股雖被A股復市拖後腿，但埋單僅跌176點，幅度計一個巴仙都唔夠，兩個字︰硬淨！後市倘成功企穩50日線，有力再向上衝。
今日推介細細粒嘅先思行（595），貪佢有齊兩大炒作元素︰概念+憧憬。先講概念，先思行市值3.2億，手持1.3億現金，NAV6.5億，現價計五折大平賣，正宗蔗渣價錢燒鵝味道。而家殼價講緊5、6億，先思行有排未到，你話未必會賣盤，我話潛在價值跟隨實際市況反映好正常。
講憧憬，先思行主要從事半導體分銷及創投業務，去年雖蝕9,400萬，但行政總裁蘇智安日前打曬開口牌，預計中期業績有改善，正！另外，公司持有約兩成股權嘅韓國手機遊戲商Me2on，預計最快明年可以上市，有利先思行估值進一步提升。加少少想像力，先思行幾年間，曾分別得到小小超李澤楷及紅籌之父梁伯韜入股，證明老闆蘇煜均人脈絕對唔簡單，近日股價連升三棍，唔通係好事近嘅先兆？
唐牛
https://www.facebook.com/tongcow88
唐牛
魚樂無窮 - 唐牛 舊文