魚樂無窮：兩折大平賣高息股
■遠東發展主打物業發展及投資、酒店營運及管理，圖為集團主席邱達昌。 資料圖片
三日又三日，港股足足跌咗9日，創下31年來最長跌浪，跌幅卻6%也不夠，名符其實陰乾格局，這種市況最蝦人玩，因為經常出現即日彈散局面，破位追極易中伏，撈貨嘛，又要有心理準備長期作
戰，少一點耐性都唔掂。還有，美國行將加息，明年市況肯定更加不明朗，坐貨只宜揀高息股份，就算股價唔鬱，股息也可袋袋不安，今日推介嘅遠東發展（035），好似寒冬中嘅蛇羹加糯米飯——時令精選也！
遠展主打物業發展及投資、酒店營運及管理，以及停車場及設施管理業務，業務遍佈香港、中國、澳洲、新加坡等，翻查資料，已有連續12年派中期及末期息嘅威水紀錄，啱曬食息一族，以最近12個月派息計，最新息率超過6厘，聽見都流口水。
公司近期接連有大刁，包括與周大福在澳洲布里斯本發展賭場、酒店及住宅，又在新加坡亞歷山景投得地皮，未來數年肯定進入收成期，再講，早前私有化帝盛酒店後，遠展每股NAV高達11.35元，市賬率只得0.23倍，變相兩折大平賣，難怪公司近期頻頻出手回購，為三年以來首次，作價介乎2.61至2.85元，現價2.63元入場，屬回購價下限，又多一份安心。天時地利有齊，股價卻在一年低位徘徊，實屬千載難逢，畀少少耐性，股價坐三望四係最低要求。
唐牛
https://www.facebook.com/tongcow88
唐牛
魚樂無窮 - 唐牛 舊文
來源 source: http://hk.apple.nextmedia.com