智取大市：港股短期路線圖
■人民幣倘若回升預期出現，帶動恒指升勢加快，到時可能係炒龍尾嘅象徵。資料圖片
貿易戰膠著狀態，對股市嚟講應該係好事，但市場仍擔心特朗普不按常理出牌，否則參議院試圖介入貿易紛爭，就足以令股市大反彈。反彈得慢，不代表反彈浪天花板極低，只因為避險心態消散得慢。
依
近期情況睇，股票區分兩類，一批係增長型、同經濟貿易周期相關度較低嘅股份，一來比較傳統周期性股份有避險作用，二來有增長概念，買貴咗都講得通。上星期指數矮仔上樹，呢類股份之前跌得少，但反彈亦比較快，包括物管股、教育股、個別科技股。另一批係經濟貿易周期相關度較高嘅股份，前幾日矮仔上樹展開途中，都未見跟升，原因係人民幣回落到6.7，貶值對呢類股冇好處。等市場認為人幣重拾升軌，傳統周期性股份先有可觀反彈，包括內銀、航空股，起步會較遲，但航空股要反彈起上嚟，幅度未必差。
人仔未回穩而恒指止跌、增長股率先反彈，港股短期支持力已比預期為佳。倘若人幣回升預期出現，傳統周期性股份跟隨起動，亦會帶動恒指升勢加快，到時咪以為係港股轉強訊號，呢個反而係炒龍尾嘅象徵，有機會係反彈市進入消耗性階段，到時要小心觀察。
晉佳
http://fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.finance.appledaily.com