【湯文亮專欄】撤辣之後樓市會下跌？
【湯文亮專欄】撤辣之後樓市會下跌？
圖：AFP
文|湯文亮
紀惠集團副主席及行政總裁
今早去到茶餐廳，連咖啡還未飲，已經有熟客質疑我點解唔支持撤辣，仲話現在成交量很低，撤辣之後不但可以增加成交量，而且會加速樓價下跌，現在物業代理冇生意，真的是很慘。
我話現
在全香港都慘，何止物業代理，茶餐廳都冇生意，平日在早餐時人頭湧湧，不但一位難求，而且仲有不少人等位，今日坐了一半都唔夠，好彩舖位是老闆自己，否則又要暫停營業。其實，已經有不少餐廳暫停營業，甚至要結束，難道餐廳老闆唔慘？
我都希望政府撤辣，但做人不能夠那麽自私，而且撤辣之後會加速樓價下跌？我第一次聽到。撤辣代表政府唔收印花稅，買家可以多付樓價。樓價就算唔升，都會減慢下跌速度，點會加速下跌，真的是呃鬼食豆腐。
不過，我同意撤辣之後成交量就會上升，現在最緊要大家要提高防疫意識，將確診人數降至零，14日後解除封關。只有解除封關，經濟才有救，樓市才有救，現在講乜都假。
本文為作者獨家供稿。
本文為作者觀點，不代表本媒體立場
責編：Loki
湯文亮專欄 舊文
來源 source: http://www.orangenews.hk