士佳說 - 張士佳 2020年8月3日
【#士佳說】張士佳： 買二走三
【#士佳說】張士佳： 買二走三
追開本欄的朋友，知道我7月初講升高於26791才會全面看好，其後升唔穿，仲去到25XXX，我當時提醒了大家會跌到24200，剛過去的周五夜期到了242XX水平，到首目嫖。開這個淡倉，靈感來自自創的季節LEGO，我很多學生都識，所以唔少都有沽期指或對沖，242XX正是首目標，賺了約1000點，不敢看太淡的，可以平些，但我唔覺得大市已脫離險境。
侵侵臨危亂出招，看來23XXX似乎不能避免，但當然不會一蹴即至，我都係摸住石頭過河，食少少剩下繼續坐淡倉。
個股方面，很多朋友都對在下的沽期揸股不太理解，其實恒指的代表性日降，如果我們集中買恒指成份股，揸股沽期當然無咩甜頭，但如買的是與大市相關度極低的強勢股，則有不同的效果。
就以前兩日我寫的康希諾生物#6185為例，兩日升了近50元，升20％有多，但同期，期指反跌了幾百點，要加上#6185市值不少，360億市值比太古A 347億還要大，揸這些沽大市，雖然有點精神分裂，但卻兩頭獲利，有朋友會話，唉！捉到呢啲先得架，其實，捉到它一點不難，否則，我都唔會前幾日寫佢咁多。
這種做法在某些時候，無往而不利，但只在一些特定時刻，主要是市況陰晴不定，股價表現兩極化之時。像買到海爾電器#1169，易居#2048，永升生活#1995一點不難，唔少學生都識買，所以近日是沽市揸股的蜜月期，但到今天，就不要貪勝不知輸了。
正如前文所述，我對後市不太樂觀，後面的做法同跌市初期不同，我會走三隻才入兩隻。（原因有點長，我另外拍片再講）
至於入D咩，大把與大市關係疏離的冧把，再講唔好以為我好神，只係買中#1169及#2048，我只係人，一樣買中了#512，今日折讓兩成批股，我又唔係太擔心，咁無買既咪可以關注下，不過都係博反彈，此外，雲計算及Saas軟件股表現搶眼，龍頭金蝶國際#268已經走出了示範效應，中國軟件國際#354、金山軟件#3888, 付匯天下#1806，中國有贊#8083，華虹半導體#1347，明顯有資金在追捧，筆者一直有關注，亦可以係當大市再跌時，可考慮吸納的項目。
大型內房分拆物管公司上市為近期炙手可熱的動作，內房龍頭融創#1918及恒大#3333計劃分拆物管公司上市，消息一出股價就上升，但就不夠人稱水哥的ROCIM 基金經理Walter choy 在財經節目點題的合景泰富#1813，旗下物管公司合景悠活，已經向港交所申請上市，#1813星期五大陽燭最高升到14.18，絕對吸睛，筆者覺得高追不宜，卻是另一大市走低，買優於大市之選。
今日，都係唔好寫咁多冧巴，怕你亂入，如有興趣，明後天拍條片，順便講多些，等你知道調整時候可以吼啲乜，不過大家連免費午餐，都唔畀點小費，經常性睇完連like，回應分享都唔比，唔過千like ，就唔拍了。
士佳說 - 張士佳 舊文
來源 source: http://skycheung.weebly.com