士佳說 - 張士佳 2021年1月18日
【#士佳說 】張士佳：好在“食少多教訓”
【#士佳說 】張士佳：好在“食少多教訓”
上周五本欄用「食少多教訓」為題，點睇後市，一目瞭然。15日有14日升穿前頂，唔驚有鬼，所以我叫大家見高位就要食糊，我唔敢在牛市中估頂，所以亦只係食兩三成貨，唔係沽曬佢，更唔敢沽空。
論走勢，幾差，美股都在好消息下獲利回吐，跌幅比港股勁，所以美股我食多些。
本持有75%貨，現得番約半倉，進可攻退可守。牛市看支持，即見高食糊後，不要以為自己沽了頂，回落把握支持入番。現在有好多靚股都在回落中，隨意撈底，可以更底，亦需要很大的信念，或等支持出現，開始補回，不致升曬上去之時甩左，無左呢個版塊。
舉個例子，像＃658中國高速傳動，我十月初是持重貨的，從＄6升到＄8，好好的，突然下跌，我7.4左右離場，當天已跌到＄6.1，我在本欄都曾寫，肯定要找機會上番車，當時頂位8.05，一直跌到5.5，跌3成了，8.05是頂了吧，結果在5.5附近找到支持，一直升到9.18，若5.5後不懂找支持或危前機入市，就白白錯失了5成升幅了。
現在風電又再遇同樣的調整，光伏，火鍋，體育用品，啤酒，奶業，軟件等都遇調整壓力，不走就怕繼續調，這就是因何每每學生見市大升問我應打陣地戰，牢牢持貨，我皆說不。
近日見大市升都見食D糊，食少多教訓，皆因牛一調整，可以好深，牛二牛三雞犬皆升，才可打陣地戰，如果現在持重貨，又見本週，尤其1月20日霧霾重重，如果先前冇走，而家都唔知走唔走好；唔走？佢繼續震，到頂唔順一刻終走了，隨時就走了個底，所以情願高位食些，但不估頂，吼支持再入番。
有估第一季目標最少29000，現在才1月18日，已到過28675，後面的日子，可以有很多可能性，誰能猜得到？既然知道自己猜不到，所以上週高位我少提冧把，不怕升甩蝕底。現走了位持有適當注碼，緊盯下跌中的熱門股，但不出手，等危前機或量變才出手比較化算。
In the meantime，一係養尊處優，等機會，一係炒些另類的。像上周五叫大家即市炒＃2158醫渡，一開全日最低，不錯吧，現即市獲了利，細注長揸算。物管及B股不算火紅，博逆市走紅，但也不會咁快，點都似調調先，昅實囉。
此外，上周五即市炒了#2238廣汽，石墨烯電池喎，8分鐘充滿80%，可行1000公里喎，仲即將量產喎，我邊敢信，炒炒即市無妨，長揸？我等下先，真能幾分鐘充滿的，只有氫氣，氫氣#189及另一煤炭股反而有，該股一日出幾個lego，又無廣汽咁古惑，反而有機，兩者都係調整中，大家不妨做做功課。
士佳說 - 張士佳 舊文
來源 source: http://skycheung.weebly.com