中環在線：羅康瑞暗戰張建東 - 李華華
■左起：機管局CEO許漢忠、機管局主席張建東、機管局董事羅康瑞設計對白
機管局主席張建東同盛傳會做下任主席?瑞房(272)老闆羅康瑞又過招。據聞，身為機管局董事?「梁粉」羅康瑞上月趁張建東離港放大假，速搵幾位董事開會，拍板提早公開招聘機管局新CEO，並計劃遲嚇進行內部整頓。
許漢忠任期仍有年半
今年6月市場爆出機管局CEO許漢忠懷疑違規評標，事件好似冇乜下文，但原來機管局內，身兼執行委員會?董事，包括羅康瑞、運輸及房屋局局長張炳良，搵埋身兼審計委員會主席?董事洪丕正等人，?7月中開?個會，會上決定提早公開招聘新CEO。
許漢忠2007年初起擔任機管局CEO，佢呢個任期特別多事。佢上一份約今年2月到期，機管局一年前同佢傾續約，有別於半年前先傾?慣常做法。早兩個月爆出評標風波，雖然機管局立即撲火，但仍有暗湧。
佢呢個任期至2015年2月屆滿，航空界口痕友話，既然機管局打算提早搵人，唔通搵到人，叫人年半後返工嗎？真正意圖昭然若揭啦。
張建東同許漢忠關係良好，但佢上月向機管局請?超過一個月大假，據講係為打波舊患飛美國做手術，最近回港。見過佢?人形容佢算係精神，但要用柺杖行路。佢同羅康瑞之前開會不時擦火花，對於羅康瑞多多意見，曾經叫佢做?主席先講。今日機管局開董事會，大家準備花生等睇戲好了。
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 宏安海濱死場謀變身Outlet
下一則: 中環在線：傳許漢忠「契仔」調職 - 李華華
中環在線 - 李華華 舊文