中環在線：23億買起俏江南梁伯韜玩埋食肆 - 李華華
■梁伯韜應該係見俏江南上市受阻，想出手搞搞佢。
「紅籌之父」梁伯韜(蕃薯梁)做刁?口味都幾多元化，又出人意表，早排賣走喜羊羊，轉頭打算走去買入台灣女星大S(徐熙媛)奶奶張蘭創辦?川菜連鎖店俏江南。蕃薯梁做慣大刁，一買一賣，睇落呢次應該係俏江南上市受阻，蕃薯梁想出手搞搞佢，遲嚇伺機上市。
路透噚日報道，由梁伯韜打理?私募基金CVC近排同張蘭傾緊，出價3億美金(約23.4億港元)買起俏江南69%股權，即係話成個俏江南?估值約34億港元。如果傾得成，CVC就會成為俏江南大股東，張蘭持有31%。
■川菜連鎖店俏江南由台灣女星徐熙媛奶奶所創辦。
俏江南上市屢碰壁
張蘭其實一早想將俏江南上市，可惜一波三折。原先佢計劃?A股上市，但舊年初俾中國證監會拒絕，惟有轉戰香港，為?來港上市，張蘭仲改埋國籍，落戶加勒比島國?。不過，張蘭今年中以市況差為由，暫緩上市計劃。
蕃薯梁成日?內地傾生意，應該都有幫襯俏江南，可能見對方搞極都上唔到市，忍唔住出手。
蕃薯梁在公在私近年都做好多大刁，做親都係話題作，兩年前佢就利用私人投資?意馬國際(585)，買入喜羊羊?品牌擁有者兼管理公司，上月先至賣走。
CVC之前就投資新秀麗(1910)、新鴻基公司(086)，又向「魔童」王維基買入香港寬頻固網資產，𠵱家連食肆都搞埋。
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 樂香園：同利福鬥長命 - 海迪
下一則: 中環在線：盛智文扮殭屍 - 李華華
中環在線 - 李華華 舊文