陸羽仁 BLOG 2014年2月12日
人生如搞公司３
2014/2/12 上午 09:52:21
網誌分類: 經濟
聯儲局主席耶倫一開口，美股杜指升了192點，升幅1.2%，耶倫沒有講什麼驚天動地的東西，正因如此，也沒有嚇親市場，這正是投資者想要的東西:可測性。
耶倫在美國眾議院金融服務委員會首次作證，她表示，隨著美國經濟的逐步改善，聯儲局將繼續縮減刺激經濟政策規模，近期美國疲軟的經濟資料並沒有動搖中央銀行的政策。多位經濟學家預期，美聯儲未來還將以每月100億美元規模的步伐，逐步減少資產購買規模直至購債結束。
美國勞工部上周五發佈的資料顯示，目前美國的失業率已經從1年前的7.9%降低至6.6%，正在接近美聯儲的政策調整門檻6.5%，但是過去兩個月美國新增就業職位大幅減少。耶倫說已經注意到了這一奇怪的現象，表示失業率降至6.5%門檻下方並不會自動觸發加息，中央銀行在相當長一段時間內仍將維持低利率政策。此前美聯儲多次公開表示，在失業率高於6.5%、通脹預期低於2.5%之前，美聯儲將繼續維持0-0.25厘的超低利率政策。
耶倫表示，美國就業市場明顯改善，但遠未完全恢復。同時，很多人失業已經超過6個月，還有大量兼職的工人期望得到一份全職的工作，「太多的美國人仍然失業，通貨膨脹仍低於我們的長期目標，而且使金融系統更加穩健的工作尚未完成….現在的經濟條件極不尋常，需要不同的方法來對抗高失業率。」
耶倫終於提到新興市場問題，但只是表示注意到了近期全球金融市場的波動，認為目前不會對美國經濟前景構成實質性風險，美聯儲不會因此改變政策立場。
一個循規蹈距的乖孩子，這就是市場需要的耶倫。
再續網友La早前問起努力係唔係可以到55歲有1000萬的問題。我講人生如營運公司，第一步如工作出色，你已經等如搞咗一間有好多現金流入的大公司。若然搞唔出大公司，開源無重大成功，節流就比較重要，講到第二步，要有儲蓄的習慣，唔好使曬，等如公司有保留利潤，可以投資增值，有機會透過過投資由小公司變番間中型公司(就係有1000、2000萬那一種)。若你做事又唔得，叫你做吓兼職搵多啲錢又嫌辛苦，叫你唔好咁大使又唔慣，咁你睇到呢度都可以停啦，我幫唔到你啦，呢個世界唔努力係無法得世間財架，你嚟睇我啲文章都花力啦，否則去睇吓動新聞睇吓港警如何北上叫雞肯定趣好多啦，想成功，一定要出力，呢個世界無不勞而獲。
講咁耐先至講到第三步:投資，要用營運一間公司資金的方式去投資。咁同一個人去投資有乜唔同? 最唔同的是心態，一個人有幾萬銀，好似網友La咁，去炒牛熊證，特別係年青人，唔使點諗，炒咗至算，無一個交數的概念，甚至唔去計數唔使理。但你營運一間公司，半年交次數，全年交一次數，你到交數時會比較緊張(美國公司仲每季都要交數)，要諗可以容忍輸幾多。
我經常講投資未諗贏，先諗輸，可以容忍自己輸幾多，你有10萬，忍唔忍到年結時輸曬? 若果你月入10萬，咁無壞啦，輸咗10萬下個月都可以搵番(雖然我都唔係幾贊成呢種千金散盡還復來的心態)，但若你月入1萬，儲咗3年才有10萬，你唔應該忍到自己一舖輸曬。假設你係一間公司，市值100億，有30億現金在手，你可唔可以到年底時輸清30億? 可以忍受輸1億，有可能輸1億的投資，可以忍受輸5000萬，有輸5000萬的投資。總的來說，要心中有數，唔好漫無目的。好似La那樣的年青人，用10萬、8萬去炒窩輪，多數只諗「如果仆中升一倍就正」，唔會諗「如果輸曬10萬我幾慘」，我都經歷過那個階段。
有人話「千金難買少年窮」，我加多一句「千金難買早來輸」，若你後生遇上大牛市，炒嘢唔輸仲贏大錢，到30幾、40歲才輸，你仲慘，後生贏錢自以為是少年股神，其實只是個市就，到30、40身家都多好多，人工儲埋或買樓儲起幾百萬，一舖輸曬，點翻身? 俾你揀啦，輸10萬好定係輸200萬好，梗係揀10萬好啦。關鍵係輸錢買唔買到教訓，唔好好似某網友老豆咁輸到70、80歲仲再賭輸。
投資首先唔係講冧把、講測市，係講方法，方法啱，唔會錯得去邊。控制風險係第一方法，定出合理回報目標的第二方法，分清「投資的我」和「投機的我」及其所佔比例是第三方法，「投資的我」和「投機的我」回報目標和風險都好唔同，如何定出兩者佔組合的比例，明天續談。
陸羽仁
回應(4) 我想回應
陸羽仁 BLOG 舊文