股場放大鏡：電動車熱潮中銅受惠 - 歐陽風
■市場另一個炒賣熱點是電動汽車，睇睇比亞迪就知呢行有幾多人睇好。
日前若幹公司發出盈利預喜，包括中國玻璃(3300)、靄華押業(1319)及時捷(1184)等，當中又以時捷最有睇頭，受惠於去年收入顯著增加，盈利因而大幅增長。這類受惠於手機生產熱潮的股份，topline銷售既可上升，亦因規模效益而令毛利增加，令盈利得到雙重推升動力。時捷早前獲鴻海增持至成為第二大股東，受惠於iPhone 6極有可能出大mon機，呢部份換機潮都有排做。
中標香港電動巴項目
市場另一個炒賣熱點是電動汽車，睇睇比亞迪(1211)就知呢行有幾多人睇好。電動車的靈魂是電動車電池，中銅資源(476)早前公佈，其附屬公司中標香港生產力促進局的電動巴士動力系統項目，設計及製造首部本地設計及首個「香港品牌」電動巴士的永磁同步馬達(PMSM)系統及動力蓄電池系統。
該公司日前宣佈，以每股0.8元向不少於6名獨立承配人配售最多4.5億股，相當於公司經擴大後股本約17.58%，集資約3.6億元擬用作開發電動巴士、未來潛在投資等。
另外，中銅資源表示已與潛在投資者北京汽車城投資管理有限公司訂立不具法律約束力安排，北京汽車城投資管理有意認購中銅資源新股。北京汽車城投資管理為國有企業，母公司是北京現代汽車，旗下企業有中航工業發動機、中航系統、中航工業技術基礎研究院、北京現代汽車有限公司等50多家企業。若落實入股，中銅將是第二隻比亞迪，在Tesla熱炒入華之際更有睇頭。
歐陽風
上一則: 魚樂無窮：一隻三億市值盈喜股 - 唐牛
下一則: 內線王：中建減持萬德有玄機 - 範董
股場放大鏡 - 歐陽風 舊文