Prof J財技特訓班：電子商貿當打 - 徐燦傑
■筆者分析指，電子商貿係靈丹妙藥，O2O概念令佢哋嘅想法無限放大。路透社
上星期如果有睇Prof J追蹤嘅三股，都還可以！大家記住睇實，Prof J隨時會同大家喺唔同嘅地方跟進。
之前同大家講過新舊經濟嘅混沌係非常之好用嘅概念，融洽係非常之重要，正如「阿爺隻手，點擺最緊要佢就手」，收到未先。
正如騰騰主席馬生所講，今期流行嘅口號，係互聯網嘅crossover。情形就似左麟右李一樣，單打唔夠抽，雙打贏到盡嘅理念一樣，好嘢！
O2O概念助業務壯大
近期互聯網殺到入家居市場，馬生上星期身體力行，入股國內家居公司樂居。喺互聯網世界，price per dream(P/D)係Prof J嘅新估值方法！信嚇我啦，都係呢四隻字──電子商貿喎！簡直係紅牛，送呢個板塊一對飛升嘅翼！記得Prof J講過啤酒理論，飲酒無泡唔好飲，最緊要時刻醒覺，保持清醒！
技術高班，可以睇實家夢(8101)，技術初班，可以睇嚇中國家居(692)，我兩位偶像曾經講過，多謝佢哋提我開始留意呢隻股。
概念是一樣，電子商貿加家居設計平台，得咗！概念的部份OK，再加上本業將一站式概念由頭到尾做曬去，呢種做法將令利錢提高，可控嘅自主性就更加之厲害。
一早同大家講，電子商貿係靈丹妙藥，O2O概念令佢哋嘅想法無限放大，互聯網金融受舊經濟成員叫停(傳又開番)，有利其他非金融業互聯網發展，估值有水位，即係話有空間！橫行咗咁耐，能量已經儲夠，以上次高位1.12大洋做目標，跌穿0.88大洋走人，跟住點做，都係嗰句，追蹤我嘅媒體聲音同文字專欄啦！
徐燦傑
中國銀河國際財富管理主管
本欄逢周三刊出
上一則: 投資一周：家居股也熱炒 - 周顯
下一則: Follow Me：八大理由要買吉利 - 高彰坡
Prof J財技特訓班 - 徐燦傑 舊文