魚樂無窮：億和玩低調更加要買
■張傑任主席的億和控股，公司預計首四個月盈利已超過2013年全年。資料圖片
指數唔鬱，藍籌績優股卻炒到癲。中移動(941)再升3%，大行紛紛唱好，紅底地位指日可待。聯想(992)8月累升一成，買IBM伺服器獲開綠燈，阿爺?互聯網範疇肯定唔會放手畀外資，聯想有望越做越強，每逢回吐皆屬吸納時機。
實幹派夠穩陣
大股績優有計，細股盈喜更興奮。早排推介兩隻低調盈喜股──泛亞環保(556)及CW Group(1322)，前者終於起動，單日炒高12%，短線上兩蚊難度不大；後者每次衝高後均回落，幕後人士唔畀業績前炒高用意明顯，月底放榜後隨時有大龍鳳。
今日推介夠曬條件發盈喜?億和(838)。有跟開本欄?戰友，都知我一向十分睇好呢隻老牌工業股。無他，公司預計首四個月盈利已超過2013年全年，意味今年盈喜消息肯定浪接浪。
奇就奇在公司宣佈本月28日放榜?同時，未有update中期盈利最新情況。原因有兩個︰一、5及6月業績戲劇性倒退！但億和正處於爆炸性增長，機會微乎其微。二、管理層有好?收埋唔同人分享！翻查近年報章，億和都冇乜見傳媒，明顯係實幹派，畀著其他公司難得turnaround，肯定大鑼大鼓吹噓一番。億和繼續保持低調，更予人穩陣之感，?緊業績憧憬無極限。保守估計億和今年賺兩億銀，已重返2011年水平，當年股價貼近四蚊，較現價高出一倍有多，如此落後股，唔買等幾時？
唐牛
https://www.facebook.com/tongcow88
唐牛
魚樂無窮 - 唐牛 舊文