異動空間：利標好戲快上演
25000點這麼近那麼遠，早市跌就話雙頂，午市升番就改口突破前最後震倉。其實除?玩期指同牛熊證，25000點與否根本唔重要，你??隻股票升咪得囉！昨日追落後，今日炒破頂股，家陣半新股有鑊氣，聽日又輪到大折讓H股及券商股開車，跟車太貼實會左一巴右一巴，輸錢又輸士氣，畀?信心?實佢，反應遲緩?反而有運行。
上周二(12號)推介飛毛腿(1399)，震兩日後就嗌生嗌死的話，就享受唔到昨日升空呢一棍，魏力加多注先睇2蚊。再講嚇隻湖南有色(2626)，造旗收齊貨準備再爆，有色金屬價格見底反彈，湖南國企改革方案呼之欲出，明日(20號)業績後或係第二波升浪的開始。
利豐(494)分拆的利標(787)後日(21號)公佈中期業績，佔營業額85%的美國經濟復蘇，盈利應有睇頭，經營利豐王牌分銷業務，肩負集團重組重要角色，股價不容有失。利標掛牌後即使橫行悶局，成交額仍經常逾億元，對168億元市值的股票而言，旺場到不得了，日均成交甚至大過800幾億元的利豐，為業績後的大龍鳳作準備。昨突破下降軌及10日線，似為開車作熱身，屬中線倍升之選。
魏力
http://www.facebook.com/2012jason
魏力
異動空間 - 魏力 舊文