中環迷你裙：細價建築股翻身
■阿爺今次容許限購鬆綁救內房，建築股中國賽特可睇高一線。
滬港通宣佈近四個月，阿爺放水已近三周，逾半城市限購令解禁，相關概念股落力舞動，諸如AH折讓股、券商、國企改革股已累升不少，家陣追入要衡量嚇心臟夠唔夠強壯。港股熱炒之際，不少人對內房股念念不忘，阿爺今次容許限購鬆綁甚至救市，純粹因為地方政府「毒癮」已深，賣地收入猶如毒品一樣，戒不了甚至越食越多，泥足深陷，家陣內房只是清緊眼下存貨，阿爺僅僅從懸崖邊拉內房一把，險境未除。
阿爺曲線救內房，亦是為了頂住個持續放緩的經濟，挽回些面子，上周Samantha講過，基礎建設有望在最後一季發力，建築股有潛力在下季脫穎而出，鋼結構及預製構件建築解決方案服務供應商的中國賽特(153)有睇頭，它除了做保障房外，亦有份建造大型建設，好似鐵路橋、火車站、展覽中心等，去年純利升44.3%至2.94億元，管理層早前透露上半年新增合同逾7億元，去年新簽合同13.7億元，在上半年基建嘆慢板下，條數算是對辦。
相較其他建築股，中國賽特是半新股易炒?，加上該股去年尾瘋炒一轉後，接連潛水，昨日收市價距離招股價還有8%上升的空間，中國賽特7月中趁內房股爆升突破下降軌，噚日終於破旗，有望擺脫頹勢，穩陣者可吼周五業績前先食糊。
Samantha
本欄逢周三、五刊出
Samantha
中環迷你裙 - Samantha 舊文