魚樂無窮：都市麗人超強破頂格
■大家認識都市麗人，相信因為林志玲係代言人。資料圖片
內地第三季GDP表現略勝預期，但港股升勢僅曇花一現，繼續死守23000。成交奀豬，但波幅不俗，炒友因而轉戰衍生工具，牛熊證窩輪佔大市成交創一年高。執筆之時學聯與政府對話仍未開始，幾可肯定冇成果，但總算踏出第一步，有利後市回穩。
創業板新股炒到?恰恰，無他，不設公開發售，全部自己人圍飛，只要做到滴水不漏，要舞高股價話都冇咁易。高回報自然有高風險，戰友入場緊記小注怡情。相反主板新股有公眾參與，升勢可信程度高幾班，如果有業績支持，更加如虎添翼，半新股都市麗人(2298)有齊上述優點，值得高度關注。
大家認識都市麗人，相信因為林志玲係代言人，公司亦非池中物。截至6月底止，撇除上市費用?經營利潤按年升52%至2.8億人仔，毛利率更升3.9個百分點至40.1%。
內衣一哥遍佈各省市
點解咁勁？龍頭地位發揮作用也。都市麗人乃中國內衣一哥，市佔率高達2.8%，由於內衣屬必需品，不受經濟轉弱影響，加上擁有自家品牌，食正中國人富起來?勢頭。集團共有6,272間零售店，遍佈內地所有省市，今年初正式啟動電子商務平台，另又於天貓、京東等平台搶灘，最新會員已達2,700萬人，未來將完美演繹線上線下融合?優勢。
睇圖表，都市麗人連出四支陽燭，突破4.75元雙頂阻力創新高，贏曬！但9 RSI已逼近80超買水平，戰友可候回試4.8元水平吸納，中線目標睇6元！
唐牛
https://www.facebook.com/tongcow88
唐牛
魚樂無窮 - 唐牛 舊文