魚樂無窮：怎撈比亞迪不失霸氣
■比亞迪一度插水四成幾。圖為集團主席王傳福。資料圖片
恒指反彈246點，終於跑贏H指，但焦點明顯落在比亞迪(1211)身上。呢隻股神愛股，一度插水四成幾，市場消息多籮籮，淨係關於俄羅斯?都有兩個，包括頭10個月比亞迪?俄羅斯只係賣?五架車，按年大跌九成半，又有傳盧布喪跌要輸入肉，又有指電動車一哥Tesla成功搶佔中國，比亞迪肯定冇運行等等。
黑天鵝出現，要搵解釋其實唔難，但增值作用不大。不如從投資角度出發，為同類事件再發生時做好準備。
玩洗倉股三大規條
事後孔明，如果噚日跌到廿蚊樓下夠膽衝入場，埋單都有兩三成利潤落袋。但相信實踐?人唔多，點解？因為唔知會跌到乜位囉，萬一停埋牌仲隨時渣都冇！所以火中取栗第一規條，入市要有total loss?準備，實行刀仔鋸大樹！
預?輸曬去玩，乜位入市好呢？前輩講過，唔好亂接跌落??刀，所以火中取栗第二規條，等見底反彈?嚇出手。用比亞迪做例子，噚日最低見18.7元，之後好快就彈番上廿蚊樓上，呢個就係最佳入市位。要留意，玩洗倉股只爭朝夕，因為一分鐘可以賺佢十個巴仙，所以火中取栗第三規條，買貨沽貨都要用市價盤，簡單?講，買要向前掃，沽要向下質，排限價盤做唔到只會激死自己。
唐牛
https://www.facebook.com/tongcow88
唐牛
魚樂無窮 - 唐牛 舊文