異動空間：洗倉股不宜接刀
個市表面反彈，實際上相當爛，只係靠跌到散曬?騰訊(700)、銀娛(027)及金沙(1928)死貓彈撐住，進取?戰友宜睇實呢三隻，彈多5%左右可造淡，特別係QQ，連馬化騰都大手減持，跟佢賭落贏面高。
外圍大反彈，內地股市回氣合理，狂升一輪?券商股高處不勝寒，隨時要捱幾日拋售。海通證券H股(6837)率先殺落，有貨可稍為減持走位，減輕壓力之餘，日後亦有本錢加番。內銀、保險股情況相近，但因升幅遠低於券商股，相信回吐壓力不會太大，忍幾日應該雨過天晴。
比亞迪(1211)、協鑫新能源(451)及酷派(2369)午後連環洗倉，基金年尾洗太平地，總有幾隻遭殃，短期中細價股氣氛肯定雪上加霜。有戰友問可否撈比亞迪？魏力慣性操作係一律唔撈洗倉股，原因有幾個：1.大戶狠掟總有原因，蒙眼上陣打仗，九死一生；2.入貨後如股份落閘，復牌無期，幾多錢都唔夠買驚風散；3.上得山多終遇虎，一次失手total loss，之前賺幾多舖都會嘔突。
資金避去中資股，海油服務(2883)走勢改善，可小注賭油價短期靠穩，博一成反彈，跌穿12.7元止蝕。
魏力
http://www.facebook.com/2012jason
魏力
異動空間 - 魏力 舊文