陸羽仁 BLOG 2014年12月19日
爆升
2014/12/19 09:05:36
網誌分類: 經濟
聯儲局話對於幾時加息，保持「耐性」，聯儲局主席耶份更打開口牌話在未來幾個會議內，都睇唔到加息的可能。耶倫嘅言論，令到整個美股醒曬，杜指上日大幅反彈288點，昨日升勢擴大，再彈421點至17778點，升幅超過2.4%！認真嚇人。標普500指數漲48點，收報2061點；納指亦大升104點至4748點；齊漲超過2%。
出現呢啲三年未有的漲幅，一定要問吓點解，主要都係聯儲局個態度，市場原本預咗聯儲局聲明會刪除「在相對的時期內」保持低息的字句，暗示加息時期，點知佢換上對加息「仍具耐性」的字眼，主席耶倫更表明未來幾個月不會加息，市場覺得聯儲局睇到油價呢個亂局轉咗軚，即時放心曬，唔夠貨的馬上入場補貨，年尾炒番轉。
摩根大通基金經理Jack Caffrey話，市場之前下跌，係不大清楚會發生什麼事，為何發生這些事，而油價通常和環球利息一齊跌。如今聯儲局的行動是它留意到發生什麼事，願意表現友情一點，所以投資者就有好快樂的反應啦。加上季節性在這些時候都有資金買股票，所以就有咁大反應。
昨日的其他利好因素包括公佈的就業數據及11月領先經濟指標指數都幾靚仔，歐洲股市及日本股市大幅造好，亦提振大市投資氣氛。歐洲經濟龍頭德國的商業信心指數，連續兩個月走高，有逐漸擺脫先前疲弱的景氣的跡象，推動歐洲股市大漲超過2%。而日經225指數亦收高2.3%。
另外，俄國總理普京話盧布貶值，有「外部因素」影響，又話俄國的外匯儲備足以維持經濟的穩定。半死的強人出口，仲有番啲威力，盧布即時有番啲承托力，對美元匯價有反彈。但油價都係繼續插，現報54.9美元。
美國內部方面，美國勞工部昨日公佈，美國最近一周的首次申請失業金人數減少6000人，降至28.9萬人，係11月初以來最低水平。報告顯示，美國僱主正在減少裁員，而招聘步伐係1999年以來最快，勞動力市場出現緊張，將對工資增長造成上行壓力。另外，美國11月領先經濟指標指數上漲0.6%，表明美國經濟在未來幾個月仍會以相當穩健的速度擴張。
昨日MarketWatch列舉多家大行明年對美股的預測。有趣的是，儘管市場預期聯儲局明年最快可能在第二季度，將會加息，但認為牛市仍會繼續。不過，綜觀多家大行的預期明年標普500指數的目標，巴克萊、高盛及瑞信，都係睇2100點，距離昨日收市只係高出唔夠40點，升幅唔夠2%；即使最樂觀嘅大摩睇22275點；奧本海默睇2311點，都係只有10至12%。市場對於明年美股走勢的共識係市場震蕩加劇，將從呢兩年嘅「快牛」變為「慢牛」，甚至係「蝸牛」。
陸羽仁
回應(1) 我想回應
陸羽仁 BLOG 舊文