中環迷你裙：做個出色老油條
■中環人走茶涼是常事，基金經理擔心贖回，隨時被指過氣。 資料圖片
財金界近日出現一個神話，一男子面不紅氣不喘地向世人宣佈「基金以不虧損為目標，只會盡量爭取淨回報」，職場上有幾多人，能說出只能做到咁多，畀突你靠彩數的說話。要成為老油條有幾大條件，第一，爭唔到回報賴地硬，每年投資差別在於幾難、好難、十分難。第二，用別的方法得唔得？佢有十萬個理由畀你，結論只有一個，做唔到。
中環人走茶涼是常事，基金經理擔心贖回，隨時被指過氣，打工仔擔心因appraisal掉了工作，呢位仁兄老神在在穩守萬億資產；至於表現費方面，當然是與回報不對稱，就算回報差仍袋近八位數人工，簡直打工仔天堂。
說實在，Sam真的好葡萄，但同人唔同命，只好再努力點炒股，搵更多好推介給大家，各個板塊跌勢終於肯停一停，但未見明顯轉勢，反觀在恒盛（845）私有化下，竟然炒得起隻張志熔概念股熔盛（1101），出人意表，但投機味濃，反觀綠地香港（337）有得炒。
綠地去年銷售超越萬科晉身行業老大，海外業務亦快速增長，收入達到一百五十三億元人仔，按年大增467%，成功走出去，無疑是視為海外旗艦的綠地香港是好消息，公司易手快兩年，有注資憧憬，近日見成交急增，可在現水平買入靜候佳音。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文